உளவியல் / Psychology

குழந்தைகளின் மன அழுத்தத்தைக் குறைப்பது எப்படி?

2011-12-26T23:35:00.000-08:00

மன அழுத்தம் என்பது ஒருவரை மிகுந்த குழப்பத்தில் ஆழ்த்திவிடும். மன அழுத்தம் என்பது அனைவருக்கும் பொதுவானதே. ஆனால் குழந்தைகள் மற்றும் இளவயதினருக்கிடையேயான மன அழுத்தம் நாளுக்கு நாள் அதிகரித்துக் கொண்டே வருகிறது. இதற்கு பல காரணங்கள் உண்டு.

முறையான அரவணைப்பு இல்லாதது, பெற்றோர்களுக்கும், குழந்தைகளுக்கும் இடையே உள்ள இடைவெளி, சமுதாயச் சூழல் போன்ற பல காரணங்களால் குழந்தைகள் மற்றும் இளம் வயதினரிடையே மன அழுத்தம் ஏற்படுகிறது. இதனால் அவர்கள், தவறான பாதைக்கு செல்வதாக ஏற்கனவே வெளிவந்த பல ஆய்வறிக்கைகள் சுட்டிக்காட்டுகின்றன. இந்த மன அழுத்தத்தை சிறந்த குழுத் திட்டத்தின் மூலம் தடுக்க முடியும் என தற்போது ஆராய்ச்சியாளர்கள் கண்டறிந்துள்ளனர். மருத்துவ ஆராய்ச்சிகளை மேற்கொண்டு வரும் சர்வதேச நிறுவனம், கோச்ரே எனும் புத்தகப் பதிப்பு நிறுவனத்துடன் இணைந்து, ஒரு ஆண்டுக்கும் மேலாக இந்த ஆராய்ச்சியை நடத்தியது. இதில் மன அழுத்தம் அதிகரிப்

பதற்கான காரணம் மற்றும் அவற்றை தடுப்பதற்கான வழிமுறைகள் குறித்து ஆய்வு செய்தது.

இதுகுறித்து, அக்குழுவில் ஒருவரான, குழந்தைகள் மனநல மருத்துவர் சாலி மெர்ரி கூறுகையில், இந்த ஆராய்ச்சி பெரும் வரவேற்பை பெற்றுள்ளது. ஏனென்றால், மன அழுத்த நோய் உலகெங்கிலும் பொதுவாகவே உள்ளது. கடந்த 2002ம் ஆண்டு ஆராய்ச்சியாளர்கள், வளர்ந்த நாடுகளில் மன அழுத்தக் குறைபாடு இரண்டாவது இடத்தையும், வளரும் நாடுகளில் பிரதான இடத்தையும் பெற்றிருந்ததாக அறிவித்தனர்.

இதுகுறித்து, மனநல வியாதியைக் கட்டுப்படுத்தும் வழிமுறைகளை ஆய்வு செய்து வரும் ஜான் ஹாகின்ஸ் பொது நலப் பள்ளியின் துணை பேராசிரியரான டாமர் மெண்டெல்சன் தெரிவிக்கையில், இந்நோயின் மூலம் இளைஞர்களின் தினசரி மகிழ்ச்சி அடியோடு அழிக்கப்படுகிறது. மேலும், அவர்களின் பள்ளி மற்றும் சமுதாயத்துடனான உறவையும் குறைக்கிறது. அது மட்டுமின்றி, மன அழுத்தம் தொடர்ந்து அதிகரித்துக் கொண்டே வரும். இறுதியில், தொடர்ச்சியான நோய்களில் கொண்டு சென்று நிறுத்தும். முன்கூட்டியே எடுக்கப்படும் பாதுகாப்பு நடவடிக்கையின் மூலம் இதனை தடுக்கலாம். ஆனால் இம்முறையை குழந்தை களுக்கு செயல்படுத்துவது மிகக் கடினமான ஒன்றாகும் என்று அவர் தெரிவித்தார்.

இதுகுறித்து மேலும் ஆராய்ச்சியாளர்கள் கூறுகையில், நாங்கள், பல்வேறு நாடுகளில், ஐந்து முதல் பத்தொன்பது வயதிற்குட்பட்ட மொத்தம் 14,406 பேரிடம் மேற்கொள்ளப்பட்ட 53 ஆய்வுகளை ஒன்றிணைத்தோம். இதில், ஆரம்பத்திலிருந்தே பாதுகாப்பு நடவடிக்கை மேற்கொண்டவர்களிடம் எந்தவித நோய் அறிகுறியும் தென்படவில்லை.

குழு சார் தடுப்பு நடவடிக்கை, மற்ற மருத்துவ முறைகளை விட அனைத்து நபர்களிடமும் எளிதில் சென்றடையக்கூடியதாக உள்ளது. பெரும்பாலான திட்டங்கள், புலனறிவு நடத்தை சிகிச்சை சார்ந்தவையாக உள்ளன. மற்றவை , அழுத்தத்தைக் குறைத்தல், சுய திறன் மற்றும் அதிர்ச்சி மற்றும் தன்னம்பிக்கையை ஒழுங்குபடுத்தும் நுணுக்கத்திற்கு முன்னுரிமை அளிப்பதாக உள்ளது.

மன அழுத்தம் என்பது உலகெங்கிலும் உள்ள தனிமனிதர்களிடம் உள்ள ஒரு நோயாகும். இந்த ஆராய்ச்சி இளைஞர்கள், பெற்றோர்கள், சுகாதார நல அலுவலர்கள், குழந்தைகள், குடும்பங்கள் மற்றும் பள்ளிகளில் பணிபுரியும் நபர்களுக்கு ரொம்ப உதவியாக இருக்கும். ஆனால், மன அழுத்தத்தை ஒழுங்குபடுத்தும் நடவடிக் கைக்கு அதிக செலவாகும். இதனை பல நாட்டு அரசுகளிடம் விவரித்திருக்கிறோம். அவர்கள் நடவடிக்கை எடுக்க தயாராக உள்ளதாக தெரிவித்துள்ளனர்.

எதற்கு டென்ஷன்!

2011-08-23T02:51:00.000-07:00

;ஓரு மனிதனுடைய இதயம் ஒரு நாளில் 1,03,689 முறை துடிக்கிறது. ரத்தம் ஒரு நாளில் 16,80,00,000 மைல் தூரம் உடலில் பயணிக்கிறது. ஒருவன் 438 கன அடிக்காற்றை மூச்சாக உள்ளே இழுத்துக் கொள்கிறான். 750 தசைகளை அசைக்கிறான். 70,00,000 மூளை செல்களைப் பயன்படுத்துகிறான். இந்தச் செயல்களால் மனிதன் களைத்துப் போவதில்லை. ஏனென்றால் இவை எல்லாம் தன்னிச்சையாக நடக்கின்றன. இதில் நம் முயற்சி என்று எதுவும் இல்லை.

நாமாக முயற்சி எடுத்துச் செய்யும் சில்லறை வேலைகளால்தான் நாம் களைத்துப் போகிறோம். ஏன்? இயற்கை, தான் செய்யும் வேலைகளுக்கு கணக்கு வைத்துக் கொள்வதில்லை. நாம் துரும்பை நகர்த்தினால்கூட கணக்கு வைத்துக் கொள்கிறோம். இயற்கை, தன் செயல்களைச் சுமையாக நினைப்பதில்லை. மனிதன் தன் பெரும்பாலான செயல்களை சுமையாகவே கருதுகிறான்.

இயல்பாக, மனிதன் மகிழ்ச்சியாக செய்யும் எந்தச் செயலும் அவனுக்கு களைப்பையும், டென்ஷனையும் தருவதில்லை. ஆனால் அப்படிச் செய்யும் செயல்களின் எண்ணிக்கை மிகவும் குறைவு. இயற்கை தேவையில்லாத செயல்களைச் செய்ய முனைவதில்லை. தேவையுள்ளதை மட்டுமே செய்வதால் அனைத்தையும் அலட்டிக் கொள்ளாமல் செய்து முடிக்கிறது. ஆனால் மனிதன் செய்கின்ற பல செயல்கள் பயன் தராதவையாகவும், தேவையில்லாதவையாகவும் இருக்கின்றன. அதனால் செய்யவேண்டிய வேலைகளைச் செய்ய அவனுக்கு நேரம் போதுமானதாக இல்லை. இயற்கையின் வழி

முறைகளைப் பின்பற்றினால், "நோ டென்ஷன்.

மனச்சோர்வில் இந்தியர்களுக்குதான் முதலிடம்!!

2011-07-28T04:11:00.000-07:00

உலக சுகாதாரக்கழகத்தின் சார்பில் நடைபெற்ற ஆய்வில், மனதளவில் பெரிய அளவில் சோர்வாக இருப்பவர்களில் இந்தியர்கள்தான் அதிகமானவர்கள் என்று தெரிய வந்துள்ளது.

அண்மையில் மேற்கொள்ளப்பட்ட இந்த ஆய்வின்படி, சீனர்கள்தான் அதிக மகிழ்ச்சியோடு வாழ்கிறார்கள். தங்கள் வாழ்நாளில் மனச்சோர்வு நீடித்த வண்ணம் இருந்தது என்று 9 விழுக்காடு இந்தியர்கள் கருத்து தெரிவித்திருக்கிறார்கள். மிகவும் கடுமையான மனச்சோர்வு கொண்ட காலத்தை அனுபவித்தோம் என்று 36 விழுக்காடு இந்தியர்கள் கருத்து தெரிவித்துள்ளனர். இந்தியாதான் ஆய்வு மேற்கொள்ளப்பட்ட 18 நாடுகளில் அதிக அளவு மனச்சோர்வு உடையதாக இருக்கிறது.

பி.எம்.சி. மருத்துவ சஞ்சிகை ஒன்றில் இந்த ஆய்வு விபரங்கள் வெளியாகியுள்
ளன. மொத்தம் 18 நாடுகளில் இந்த ஆய்வு நடத்தப்பட்டது.

அதிக வருமானம் ஈட்டும் நாடுகள் என்ற பிரிவில் பத்து நாடுகள் உள்ளன. பெல்ஜியம், பிரான்ஸ், ஜெர்மனி, இஸ்ரேல், இத்தாலி, ஜப்பான், நெதர்லாந்து, ஸ்பெயின் மற்றும் அமெரிக்கா ஆகியவை அந்தப் பட்டியலில் இடம் பெற்றுள்ளன.

நடுத்தர அளவில் வருமானம் ஈட்டக்கூடிய நாடுகளின் பட்டியலில் பிரேசில், கொலம்பியா, இந்தியா, சீனா, லெபனான், மெக்சிகோ, தென் ஆப்பிரிக்கா மற்றும் உக்ரைன் ஆகிய எட்டு நாடுகள் உள்ளன. வளர்ச்சி குறித்து உலக வங்கி நிர்ணயித்திருக்கும் தரத்தின் அடிப்படையில் இந்த பட்டியல் தயாரிக்கப்பட்டது.

மனச்சோர்வு என்பது ஆயுட்காலத்தைக் குறைக்கும் காரணியில் இரண்டாவது இடத்தைப் பெற்றுள்ளது என்கிறார்கள் ஆய்வாளர்கள். உலகம் முழுவதும் சுமார் 12 கோடிப்பேர் மனச்சோர்வால் பாதிக்கப்பட் டுள்ளனர். குறிப்பாக, 15 வயது முதல் 44 வயது வரைஉள்ளவர்களுக்குதான் அதிக பாதிப்பாகும். மிகவும் கடு மையான மனச்சோர்வு பற் றிய ஆய்வு புருவத்தை உயர்த் தச் செய்யும் தகவல்களைத் தந்துள்ளது. பணக்கார நாடு கள், அதாவது வருமானம் அதிகம் ஈட்டக்கூடிய நாடுக ளில்தான் இந்த பாதிப்பு அதிக அளவில் உள்ளது. நடுத்தர அளவில் வருமானம் ஈட்டக்கூடிய நாடுகளில், எதிர்பார்த்ததைவிடக் குறை வானதாகவே இருக்கிறது.

அமெரிக்கா, பிரான்ஸ் உள்ளிட்ட பணக்கார நாடுகளில் தவறான கொள்கைகளால் உருவாகியுள்ள பொருளாதார நெருக்கடி, பயங்கரவாதத் தாக்குதல் தொடர்பான அச்சம், ஆக்கிரமிப்பு பணிகளில் ஈடுபடும் ராணுவத்தினருக்கு ஏற்படும் மனரீதியான பாதிப்புகள் உள்ளிட்ட பல்வேறு காரணங்களால் மக்கள் நெருக்கடியில் சிக்கியுள்ளனர். அமெரிக்க வேலையின்மை, அதனால் உருவான பிரச்சனையான வீடின்மை அந்நாட்டு மக்களிடம் வாழ்க்கை பற்றிய கவலையை உருவாக்கியுள்ளதை மனிதவள வல்லுநர்கள் சுட்டிக்காட்டுகிறார்கள்.

அதற்கு மாறாக, பொருளாதார நெருக்கடியை எதிர்கொள்ள சீனா உள்நாட்டுப் பொருளாதாரத்தை பலப்படுத்தும் வேலையைச் செய்தது. அதனால்தான் அந்நாட் டில் மனச்சோர்வு குறைவு என்பது அந்த வல்லுநர்க ளின் கருத்தாகும்.

பெண்களுக்கு கூடுதல் பாதிப்புஅனைத்து நாடுகளிலுமே கூடுதல் நெருக்கடியைச் சந்திப்பவர்களாக பெண்கள் இருக்கிறார்கள். ஆண்களைவிட இரண்டு மடங்கு மனச்சோர்வு பெண்கள் மத்தியில் காணப்படுவதாக ஆய்வு தெரிவிக்கிறது. கணவரை இழப்பது, விவாகரத்து மற்றும் வாழ்க்கைத் துணைவரைப் பிரிந்து வாழ்வது ஆகிய பிரச்சனைகள் பெண்கள் மத்தியில் பெரும் மனச்சோர்வை ஏற்படுத்தும் காரணிகளாக இருக்கின்றன. சமூக அமைப்பில் பெண்களுக்கு தரப்படும் இடமே இத்தகைய பிரச்சனைகளை உருவாக்குகின்றன. கிட்டத்தட்டஅனைத்து நாடுகளிலுமே பெண்களை இரண்டாந்தர குடிமக்களாகக் கருதும்போக்கு உள்ளது.

கடுமையான மனச்சோர்வுஇந்தியாவில்தான் இந்த பாதிப்பு அதிகமாக இருக்கிறது. கவலை, துக்கம், தவறு செய்துவிட்டதாகக் கருதுதல், தாழ்வு மனப்
பான்மை, தூக்கமின்மை, பெரும் கவனக்குறைவு ஆகியவற்றை அடிப்படையாகக் கொண்டுதான் இது குறித்த ஆய்வு நடத்தப்பட்டுள்ளது. முக்கியமான நாடுகளில் இந்தியாவுக்கு அடுத்தபடியாக பிரான்ஸ், அமெரிக்கா, ஜெர்மனி, சீனா என்ற வரிசையில் இந்தப் பாதிப்பு இருக்கிறது. உலகிலேயே அதிக மக்கள்தொகையைக் கொண்ட சீனாவில் மனச்சோர்வு என்பது மிகவும் குறைவாகவே உள்ளது. மற்ற நாடுகளைவிட சீனாவின் குடிமக்கள் அதிக மகிழ்ச்சியுடன் இருக்கிறார்கள் என்பது இந்த ஆய்விலிருந்து தெரிய வருகிறது.

உங்களை நேசிக்கக் கற்றுக் கொள்ளுங்கள்

2011-05-27T00:47:00.000-07:00

உலகில் இதுவரை இருந்த கூடைப்பந்து வீரர்களில் சிறந்தவராக மைக்கேல் ஜோர்டான் கருதப் படுகிறார். ஆனால் அவர் எப்போதும் தன்னை மிக சாதாரணமாக விளையாடுவதாகவே கூறிக் கொள்வார். அவரது விளையாட்டை யாராவது புகழ்ந்தால், கடவுள் அருளால் ஏதோ சுமாராக விளையாடுவதாக தன்னடக்கத்துடன் பதிலளிப்பார்.

ஒரு முறை அவர் நீதிமன்றத்தில் ஆஜராக வேண்டி வந்தது. பைபிள் மீது சத்தியமாக உண் மையே பேசுவதாக உறுதிமொழி எடுத்துக் கொண்ட பிறகு, இதுவரை இருந்த கூடைப்பந்து வீரர்களில் அவர் சிறந்தவரா என நீதிபதி கேட் டார். உடனே ‘ஆம்’ எனத் தயங்காமல் பதிலளித் தார் மைக்கேல் ! நீதிபதிக்கோ ஆச்சரியம். வழக் கத்திற்கு மாறாக இப்படிக் கூறியதற்குக் காரணம் என்னவென்று நீதிபதி பின்னர் மைக்கேலை வின வினார். பைபிள் மீது சத்தியம் வாங்கிவிட்டதால் உண்மையைக் கூறும்படி ஆகிவிட்டது என்றாராம் மைக்கேல்!

தன்மதிப்பை உணர்வது என்பது இதுதான். உங்களையே மனதுக்குள் பாராட்டிக் கொள்ளும் தன்மை இல்லா விட்டாலோ அல்லது நிபந்தனை ஏதுமின்றி உங்களை நீங்கள் ஏற்றுக் கொள்ளா விட்டாலோ, தன்னிரக்கத்திற்கு ஆளாகிவிடு வீர்கள். இது உங்களது சிறப்பான தன்மைகள் அனைத்தையும் அழித்துவிடும்.

நாம் கண்ணாடியில் நம்மைப் பார்த்துக் கொள் ளும்போது வயதாகிவிட்டது ... முடி நரைத்துவிட் டது என்று எதிர்மறையான சிந்தனையே தோன் றுகிறது. என்றாவது நமது முகம் நன்றாகத்தானே இருக்கிறது என்று நினைத்துக் கொள்கிறோமா? குழந்தைகளிடம் தங்களை மெச்சிக் கொள்ளும் குணம் இருக்கும். வயதாக ஆக, நம்முடைய மதிப்பை நாமே குறைத்துக் கொள்ளத் தொடங்கு கிறோம். வேறு யாரும் நம்மை நிராகரிப்பதற்கு முன் நம்மை நாமே நிராகரித்து விடுகிறோம். பொதுவாக நிபந்தனைகள் ஏதுமின்றி நாம் பிறரை ஏற்பதில்லை. அவ்வளவு ஏன், நிபந்தனை கள் ஏதுமின்றி நம்மையே நாம் ஏற்பதில்லை.

உங்களை நீங்கள் ஏற்றுக் கொள்ள வைப்ப தற்கு வழி என்ன? உங்களிடமுள்ள சிறந்த அம் சங்களை நீங்கள் அங்கீகரிக்கத் தொடங்க வேண் டும். எந்த அம்சம் உங்களிடம் சிறப்பாக இருக்கி றதோ அதைக் கொண்டாட வேண்டும். இல்லாத அம்சங்களை நினைத்து நொந்து கொள்வதை விட்டொழிக்க வேண்டும்.

இதுவே உங்கள் வாழ்க்கையை மகிழ்ச்சியாக அமைத்துக் கொள்வதற்கான வழி. தேவையில்லாத மன உளைச்சல்களை விரட்டி அடிப்பதற்கான வழி.

பேராசிரியர் கே. ராஜு

(ஆதாரம் : ‘தி இந்து’ நாளிதழில் திரு டி.டி. ஸ்ரீநாத் எழுதிய கட்டுரை)

மனசாட்சியை உலுக்கும் மாணவர் தற்கொலைகள் !

2011-05-17T07:28:00.000-07:00

தில்லியிலிருந்து வெளிவரும் தெஹெல்கா இதழ் மாணவர்கள் தற்கொலை குறித்த அதிர்ச்சிகரமான தகவல்களை வெளிக்கொணர்ந்துள்ளது. சாதிப் பாகுபாடு மனோபாவம் எனும் விஷக்கிருமிகள் மாணவர் சமுதாயத்திலும் பரவி, எப்படி உயிர்க ளைஅரி த்தெடுக்கின்றன என்பதை கட்டுரை யாளர் யாமினி குறிப்பிடுகிறார். இந்த ஆய்வுகளில் தமிழ்நாட்டின் மாணவர்களும் வெளிப்படையாகவே தங்கள் நிலையை விவரித்திருக்கிறார்கள்.

சம்பவம் 1

கோபாலுக்கு வயது 20. மத்தியபிரதேசம் டிகாம்கார் கிராமத்தில் தனது பள்ளிப்படிப்பை முடித்த அவர், உள்ளூரிலேயே தோட்டக்கலை படிக்கத் துவங்கினர். அவர் ஒரு தலித் என்பது மற்ற மாணவர்களுக்கு தெரியாது. தெரியப்படுத்த அவர் விரும்பவில்லை, அதற்கு காரணமும் இருந்தது.

கோபாலின் அண்ணன் பால் முகுந்த் மிகத் திறமைசாலி. ஐஐடி நுழைவுத் தேர்வில் தேசிய அளவில் 8 வது ரேங்க் பெற்ற அவருக்கு மருத்துவர் ஆவதில் விருப்பம். தில்லியில் உள்ள ஏஐஐஎம்எஸ் கல்லூரியில் இடம் பெற்ற அவருக்கு கல்விக்கடன் உதவியாக அமைந்தது. கல்லூரிக்கு மகிழ்ச்சியுடன் சென்ற கோபாலின் அண்ணனுக்கு பாடம் அத்தனை மகிழ்ச்சியாக இல்லை. பேராசிரியர்கள் அவரை பட்டியலின மாணவர் என்று குறிப்பிட்டவண்ணம் இருந்தனர். ஒரு கட்டத்தில் அவர் தனது பெயரை வேறாக மாற்றிக் கொள்ளலாம் என முடிவெடுத்தார். இந்த அளவு மன அழுத்தம் அவரை கடைசியில் தற்கொலைக்கு தள்ளியது. 2010 ஆம் ஆண்டு அவர் தற்கொலை செய்துகொண்டு மரணமடைந்தார். இது கோபாலின் மனதில் அழியாத பிம்பமாக படிந்துவிட்டது.

சம்பவம் 2

தில்லியில் அமைந்துள்ள உயிரி மருத்துவ அறிவியல் கல்லூரியின் ஆராய்ச்சி மாணவர் லினேஷ் மோகன். மத்தியப் பிரதேசத்தின் ஏழ்மையான கிராமத்தைச் சேர்ந்தவர் அவர். சென்ற மாதம் கோபாலின் அண்ணனைப் போலவே அவரும் தற்கொலை செய்து கொண்டார்.

சம்பவம் 3

தமிழ்நாட்டின் தலைநகரில் அமைந்துள்ள கல்லூரியில் சமூகப் பணிகள் பாடத்தில் முதுகலைப் பட்டம் படித்து வருபவர் அருண்குமார் (பெயர் மாற்றப்பட்டுள்ளது). அவரும் கோபாலைப் போலத்தான். பல நாட்களாக தனது சாதியை மறைத்தே வசித்துவந்தார். அங்கான்வாடி பணியாளரான அவரது தாயும், விவசாயத் தொழிலாளியான தந்தையும் அவருக்கு இருந்தனர். ஏழ்மையான கிராமப் பின்புல வாழ்க்கையை வெளிக்காட்டிக் கொள்ள அவர் விரும்பவில்லை.

அருண் ஒருநாள் தனது கல்லூரி விழாவில் பறை இசைத்தபோது அவரது நேர்த்தியை அனைவரும் பாராட்டினார்கள். ஒருநாள் கல்லூரியில் ஆசிரியர் வெளிப்படையாக ”உன்னை தலித் ஆராய்ச்சியாளர்கள் பேட்டிக்காக அழைத்திருக்கிறார்கள்” என்று சொன்னது அருண் வாழ்க்கையில் பெரும் மாற்றத்தை ஏற்படுத்தியது. “எனது பறையாட்டத்தை ஏற்றுக் கொண்ட இந்த சமூகம், என் சமூகத்தை துரத்தியடிக்கிறது.” என வருத்தப்படுகிறார் அருண். இனிமேலும், தனது அடையாளத்தை மறைத்து வாழ்வது சாத்தியமற்றதே.

கல்லூரி வாழ்க்கையில் கனவுகளுடன் நுழையும் தலித் மாணவர்கள் உளவியல் அடிப்படையில் கடும் பாதிப்புக்கு ஆளாகின்றனர். சேலம் அருகே ஒரு சிறிய கிராமத்தில் இருந்து வந்து தற்போது ஒரு நல்ல கல்லூரியில் தனது படிப்பை துவங்கியிருக்கும் கமலின் அனுபவத்தில் இருந்து இந்த உண்மையை புரிந்துகொள்ள முடியும்.

”ஒவ்வொரு செமஸ்டர் முடிவிலும், தன்னம்பிக்கையின் அளவு குறைகிறது. எனக்கு பல கேள்விகளுக்கு பதில் தெரிந்திருந்தும், ஆங்கிலத்தில் பேச தயக்கம் இருப்பதால் நான் வாய் திறப்பதே இல்லை. சேலத்தில் எனக்கு நிறைய நண்பர்கள் இருக்கிறார்கள். ஆனால், கல்லூரியில் ஆங்கிலம் என்னை மற்ற மாணவர்களிடம் இருந்து தனிமைப்படுத்திவிட்டது.” கமலின் பல மாலை நேரங்கள், அவரது அறைக்குள் தனியாகவே கழிப்பதாக மாறிவிட்டது.

உயர் கல்வி வகுப்புகளில் இடம் கிடைத்தபோதும், தலித் மாணவர்கள் ஒரு ஒதுக்கப்பட்ட உலகத்திலேயே வாழ்கிறார்கள். அதனால் ஏற்படும் மன உளைச்சல் அவர்களின் உயிரைக் காவு வாங்கி விடுகிறது. கடந்த நான்கு ஆண்டுகளில், 18 தலித் மாணவர்கள் தற்கொலை செய்துகொண்டுள்ளனர். அவர்கள் இந்தியாவின் உயர்ந்த கல்விச் சாலைகளான ஐஐடி உட்பட 16 முக்கிய கல்வி நிறுவனங்களில் படித்தவர்கள் பதிவு செய்யப்படாத தற்கொலைகளின் அளவு இன்னும் அதிகமாக இருக்கலாம்.

தற்கொலைகள் என்பவை ஒரு வெடிப்பு நிலையே, உளவியல் பாதிப்புகள் அந்த மாணவர்களின் எதிர்காலத்தை கேள்விக் குறியாக்கிவிடலாம். சமூகத்தின் வேரில் பீடித்துள்ள தீண்டாமை, சாதி ஆதிக்க மனோபாவத்தின் இந்த வெளிப்பாடு நம் உயிரை உலுக்கியெடுக்கிறது.

இட ஒதுக்கீட்டின் மூலம் சில சொற்ப தலித் மாணவர்களே உயர் கல்விக்கான வாய்ப்பை பெறுகிறார்கள். இந்த எண்ணிக்கை அதிகரிக்க வேண்டுமானால், சட்டப்படியான உரிமை யை அமலாக்கிடுவது மட்டு மல்ல, இந்த சமூகத்தின் சிந்தனையில் மாற் றத்தை ஏற்படுத்திடவும் போராட வேண்டும்.

காதல் எதுவரை?

2011-05-07T01:23:00.000-07:00

மனம் : கல்யாணத்தின் பின் ஒருவரையொருவர் காதலிக்க முடியாதா?

எதிர்மனம் : காதலிக்கும் போதிருக்கும் சூழல் கல்யாணத்தின் பின் இருப்பதில்லை. சூழல் மாறிவிடுவதால் காதலித்த மனிதர்களும் கல்யாணத்தின்பின் மாறிவிடுகிறார்கள்.

மனம் : காதல் என்பது உணர்வு. அதெப்படி மாறும்?

எதிர்மனம்: உணர்வையே அந்தந்தச் சூழல்தான் தீர்மானிக்கிறது.

மனம் : பொதுமைப்படுத்திக் சொல்வதால் எனக்கு விளங்கிக்கொள்ளக் கடினமாயிருக்கிறது.

எதிர்மனம்: நான் காதலித்தேன்.

மனம் : அட, புதிசாயிருக்கிறதே! யார் அவள்?

எதிர்மனம்: அவள் இப்போது திருமணம் செய்து குழந்தைகளுடன் இருப்பதால் அவளின் விபரங்களைச் சொல்ல விரும்பவில்லை.

மனம் : அவள் வேறொருவரைத் திருமணம் செய்திருக்கிறாளா?

எதிர்மனம்: ஆம்

மனம் : ஏன் ஒருதலைக் காதலா?

எதிர்மனம்: அப்படியென்றால்?

மனம் : நீ அவளைக் காதலித்தாய். அவள் உன்னைக் காதலிக்கவில்லை.

எதிர்மனம்: நான் அவளைக் காதலித்தேன் என்று எனக்குத் தெரியும். அவள் என்னைக் காதலித்தாளா என்று அவளுக்குத்தான் தெரியும். அவளும் என்னைக் காதலிப்பதாகவே எனக்கு ஒரு உணர்வு இருந்தது.

மனம் : ஏன் நீங்கள் இதைப் பற்றி ஒருவருடன் ஒருவர் சொல்ல வில்லையா?

எதிர்மனம்: இதைத் தவிர எல்லாவிடயங்களையும் பற்றிக் பேசிருக்கிறோம்.

மனம் : ஏன் முக்கியமான விடயத்தைப் பற்றிக் சொல்ல வில்லை?

எதிர்மனம்: நீ என்னைக் காதலிக்கிறாயா என்று கேட்பது முக்கியமான விடயமாக எங்களுக்குள் இருந்திருக்கவில்லை.

மனம் : இரண்டுபேரும் அறிவாளிகளாகத்தான் இருந்திருக்கிறீர்கள். சரி அதைவிடு. அவளை நீ காதலிப்பது உனக்கு எப்படித் தெரியும்?

எதிர்மனம்: அவளைப் பார்த்ததில் பிடித்துப் போயிருந்தது. அவளைப் பார்த்துக்கொண்டிருக்க வேண்டும் போலிருந்தது. அவளுடையதும் என்னுடையதுமான பெரும்பாலான கருத்துகள் ஒத்துப்போயிருந்தன. அவள் எனது வாழ்க்கைத் துணையாக இருந்தால் மகிழ்ச்சியாக இருக்கும் என்று நினைத்தேன்.

மனம் : அப்பிடிப் போடு. பிறகேன் இதைப் பற்றி அவளுடன் கதைக்கவில்லை?

எதிர்மனம்: பயம்.

மனம் : அவளுடன் கதைப்பதற்கு உனக்குப் பயமா?

எதிர்மனம்: இல்லை. அவளுடன் சேர்ந்து வாழ்ந்தால் இதே போல அவளைத் தொடர்ந்தும் காதலிக்க முடியுமா? இதேபோல அவளுடன் தொடர்ந்தும் பழக முடியுமா என்ற பல பயங்கள்.

மனம் : என்னைக் கொலைகாரனாக்காதே. அவளை உனக்குப் பிடித்திருந்தது. அவளுடன் சேர்ந்து வாழவும் விரும்பியிருக்கிறாய். அவளும் உன்னை விரும்பியிருக்கிறாள். பிறகேன் உனக்குப் பயம் வருகிறது? உனக்கு உன் மீதே நம்பிக்கையில்லையா?

எதிர்மனம் : உனக்கு விளங்கும்படியாக சொல்ல எனக்கு முடியவில்லை. காதலிக்கும்போது எந்தக் கட்டுபாடுகளுமில்லை. எந்தச் சுமைகளோ, பாரங்களோ இல்லை. இவற்றைவிட முக்கியமான விடயம் நானும் அவளும் தனித்தனி மனிதர்கள் என்ற உணர்வு இருப்பதால் ஒருவரையொருவர் அவரவர் பலம்/பலவீனங்களுடன் அங்கீகரிக்க முயல்கின்றோம். குடும்பம் என்பது ஒரு வடிவமைக்கப்பட்ட நிறுவனம். அதற்குள் போய்விட்டால் நாம் விரும்பியோ விரும்பாமலோ அதற்குரிய சட்ட திட்டங்களை ஏற்றுக் கொள்கிறோம். ஒருவர் மற்றவரின் சொத்தாகவோ பொருளாகவோ ஆகிவிடுகிறோம். குடும்பப் பாரங்கள் அதிகரிக்கின்றன. எனக்கும் அவளுக்குமிடையிலான மெல்லிய உணர்வுகள் சாகடிக்கப்படுகின்றன. அல்லது அவற்றுக்கு நேரமில்லாமல் போய்விடுகிறது. இறுகிப்போன சட்டங்களுக்குள் மனித உறவுகளுக்கு அர்த்தமில்லை.

மனம் : அட, இதுதான் விசயமா? நீ எந்த உலகத்தில் இருக்கிறாய்? உலகம் எங்கேயோ போய்விட்டது மகனே! நீங்கள் இருவரும் ஏன் திருமணம் செய்ய் வேண்டும்? நண்பர்களாகச் சேர்ந்து வாழலாமே?

எதிர்மனம்: அவளுக்கு இதில் உடன்பாடில்லை. பெண் என்ற ரீதியில் அவளுக்கிருக்கும் மேலதிக பயங்கள், பாதுகாப்பின்மை, சமூக அழுத்தங்களை நான் விளங்கிக் கொண்டேன். அதனால் அவளை வற்புறுத்தவில்லை. இதைவிட, சேர்ந்து வாழ்வதில் கூட குடும்பங்களுக்குரிய வடிவம் மறைமுகமாக இருப்பதாகவே நான் நினைக்கின்றேன்.

மனம் : சரி, இப்போது அவளையே நினத்துக்கொண்டு இப்படியே இருக்கப்போகிறாயா?

எதிர்மனம் : அருகில் இருக்கும்போது மட்டுமே நெருக்கம் இருக்கும். அவளது நினைவுகள் இனிய ஞாபகங்களாக் இருக்கின்றன. அவ்வளவுதான். இனிவரும் நாட்களில் நான் இன்னும் ஒருவரையோ இருவரையோ அல்லது பலரையோ காதலிக்கலாம். யாருக்குத் தெரியும்!

எளிமையாக புரிந்து கொள்வதற்காகவும் காதலின் ஒருவகைப்பற்றியது மட்டுமே இந்த பதிவு

தற்கொலைகள் விடுக்கும் அவசர எச்சரிக்கை

2011-02-17T22:09:00.000-08:00

இந்தியாவில் சராசரி ஐந்து நிமிடத்திற்கு ஒரு வர் தற்கொலை செய்துகொள்கிறார் என ஒரு ஆய் வில் அதிர்ச்சியூட்டும் தகவல் வெளி வந்துள்ளது. தற்கொலை செய்துகொள்ளும் மூவரில் ஒருவர் இளைஞராக, அதுவும் 15-25 வயதிற்கு உட்பட்ட வராக உள்ளார் என்பது மேலும் கவலை அளிக் கக்கூடியது.

விவசாயிகள் தற்கொலை சமூகப் பொருளா தாரக் காரணங்களால் நடைபெறுவதை அறிவோம். ஆயினும், அதுகுறித்து அரசு இன்னும் போது மான அக்கறை செலுத்தாததும்; ஊடகங்கள் விவசாயிகள் தற்கொலை குறித்து போதுமான செய்திகள் வெளியிடாததும் நமது மரத்துப்போன இதயத்தின் சாட்சிகளாகும்.

தமிழ்நாட்டில் சென்னையில் கல்லூரி மாணவி திவ்யாவின் தற்கொலை சமீபத்தில் அனைவரையும் உலுக்கியது. ஒடுக்கப்பட்ட குடும்பத்திலிருந்து வரும் ஒரு பெண்ணை ஆதா ரம் இல்லாமல் திருடி என சந்தேகப்பட்டதால் ஏற்பட்டக் கோரம் இது. இதில் ஆசிரியர்களின் பொறுப்பின்மையும் ஒடுக்கப்பட்ட மக்கள் பால் ஒருவித அருவருப்பான அணுகுமுறையும் ஒரு சேர வெளிப்படுகிறது. சாதிய சமூகத்தின் கோர முகம் இது. இந்த ரணம் ஆறும்முன் புளியந்தோப் பில் மாணவி தேன்மொழி தற்கொலை செய்து கொண்டதும், கும்பகோணத்தில் மாணவி சூரியா தற்கொலை செய்து கொண்டதும் அதிர்ச்சி அலைகளை ஏற்படுத்துகின்றன.

பொதுவாக டீனேஜ் என்று சொல்லப்படுகிற விடலைப் பருவத்தில் இளைஞர்களின் மன நிலை உணர்ச்சி வயப்பட்டிருக்கும் என்பதை உணராமல் அவர்களின் சுயமரியாதையை காயப் படுத்தும் விதத்தில் தண்டனைகள் வழங்கு வதும் அவமானப்படுத்துவதும் பெருங்குற்றமே. பொறுப்பில் உள்ளவர்கள் இளைஞர்களின் மனக் கொதிப்பை உணர்ந்து நடந்துகொள்ள வேண்டும். அவர்கள் செய்கிற சிறு தவறுகளை அன்போடு தனிமையில் எடுத்துச் சொல்லி திருத்த முடியும். அதற்கு மாறான எந்த அணுகு முறையும் எதிர்பார்த்தப் பலனைத் தராது. மாறாக எதிர்விளைவை உருவாக்கும்.

மாணவர்களுக்கு, வெற்றியை மட்டுமல்ல தோல்வியை தாங்குவதற்கும் பயிற்சி தேவைப் படுகிறது. வாழ்க்கை என்பது மேடு-பள்ளம், வெற்றி-தோல்வி, புகழ்-இகழ் என எதிர்மறை களின் கூட்டுதான் என்பதை நமதுப் பாடத்திட் டம் கற்றுத்தர வேண்டும். கல்வி என்பது மதிப் பெண்ணை வாங்கும் உத்தி மட்டுமல்ல, வாழ்க் கையை, சவால்களை எதிர்கொள்கிற பக்குவத் தை வளர்ப்பதும்தான். ஆனால், இன்றைய உலகமயச் சூழலில் போட்டியும் வேகமும் இளைஞர்களை நிலைகுலைய வைக்கிறது. அதன் எதிரொலியே பெருகும் தற்கொலைகள்.

பொதுவாக தற்கொலைகளில் ஆண்களை விட பெண்களே அதிகம் ஈடுபடுவது ஏன்? நடி கைகள் தற்கொலைதான் தொடர்ந்து நாம் கேள் விப்படும் செய்தியாக இருக்கிறது. ஆனால், நடி கர்கள் தற்கொலை அபூர்வமானது ஏன்? இதி லும் பாலின பாகுபாடும் பெண்களுக்கு இளமை முதலே ஊட்டப்படும் சுயபச்சாதாபமும் தன் னம்பிக்கையின்மையும் யாரையாவது சார்ந்து தான் வாழ முடியும் என்கிற கருத்தோட்டமும் பெண்களை எளிதில் தற்கொலைக்குத் தூண்டுகிறது.

தற்கொலை எந்தப் பிரச்சனைக்கும் தீர்வாகாது. தற்கொலையை ஒருபோதும் ஆதரிக்க முடியாது. தற்கொலைக்கு எதிராக விழிப்புணர்வை, போராட்ட உணர்வை, தன்னம்பிக்கையை வளர்க்கவும் அதே நேரத்தில் தற்கொலைக்கான சமூக பொருளாதார பண்பாட்டு காரணங்களை தேடி ஆய்ந்தறிந்து அகற்றவும் அரசும் கல்வியாளர்களும் அறிவு ஜீவிகளும் ஊடகங்களும் தொண்டு நிறுவனங்களும் பெற்றோர் களும் கூட்டாக முயற்சிக்க வேண்டும். சமீபத் திய அடுக்கடுக்கான தற்கொலைகள் அவசர மாக நமக்கு உணர்த்தும் செய்தி இதுதான்.

யார் குடிகாரன்?

2011-02-14T21:09:00.000-08:00

உலக சுகாதார நிறுவனத்தின் கருத்துப்படி குடிகாரன் என்று சொல்வதற்கு தகுதியான ஆள் அதிக அளவில் தொடர்ந்து மது குடிப்பவன் , மது அருந்தாமல் இருக்க முடியாது என்ற நிலையினை அடைந்து அவனது உடல் , மனநலம் இரண்டும் கடுமையான பாதிப்புக்கு உள்ளாகும் நபரே குடிகாரன்

காலம் கடந்தும் காதல்...

2011-02-14T05:45:00.000-08:00

காதல் - உயிர்ப்புடன் இயங்கி வரும் ஓர் உயரிய உணர்வு; அருமையும் எளிமையும் அழகும் பொருந்திய மூன்றெழுத்து மந்திரம். ‘ஒன்றின் கூறாடை உடுப்பவரே ஆயினும், ஒன்றினார் வாழ்க்கையே வாழ்க்கை’ (கலித்தொகை, 18) எனச் சங்க இலக்கியம் காதல் வாழ்க்கைக்குப் புகழாரம் சூட்டும்.

‘ஒரு நாள் புணரப் புணரின், அரைநாள் வாழ்க்கையும் வேண்டலன் யானே’ (குறுந்தொகை, 280) என்பது சங்க இலக்கியம் படைக்கும் ஒரு தலைவனின் முடிந்த முடிவு. ‘ஆரத் தழுவி அரைவினாடிக்குள் உயிர், தீர வரும் எனினும் தேன் போல் வரவேற்பேன்’ (புரட்சிக்கவி’, பாரதி தாசன் கவிதைகள், முதல் தொகுதி, ப.25) என்னும் பாரதிதாசனின் வாக் கும் இங்கே மனங்கொளத்தக்கதாகும்.

“நம் பிறப்போடு ஒட்டியது, உலகப் பிறப்பை அருளுவது, யாண்டும் பரந்தது, உணர்ச்சியும் வலியது, ஐம்புலனின்பமும் ஒருங்கு தருவது, எண்ணம் சொல் செயலெல்லாம் இனிப்பது எது? காதல், காதல், காதல் இக் காதலே - இயல்பான பாலுணர்ச்சியே - அகத்திணையிலக் கியத்தின் பாடற் பொருளாம். உலகியலில் வாழ்வியலைக் கண்ட தமி ழினத்தின் தனியிலக்கியத்துக்கு வேறு எவ்வுணர்ச்சி பாடுபொருளாக இருக்க முடியும்? இவ்வுணர்ச்சிக்குத் திணையும் துறையும் வகுத்துத் தனியிலக்கியம் காணும் எண்ணம் வேறு எவ்வினத்துக்குத் தோன்ற முடியும்? காதலுக்கு அடுத்த உலகப் பேருணர்ச்சி மறம் ஆதலின், அதற்கும் புறத்திணையென ஒரு தனியிலக்கியம் தமிழர் காண் பாராயினர். காமமும் வீரமும் அல்லாது சிறந்த வாழ்க்கையுணர்ச்சிகள் வேறில்லை. இவ்விரண்டிற்கும் இரண்டு இலக்கியங்கள் கண்ட தமிழ் மொழியின் முழுத்திறன் நமக்குப் பெருமிதம் தருவதாகும்” (தமிழ்க் காதல், பக்.114, 115) எனத் தமிழினத்தின் வாழ்விலும் இலக்கியத்திலும் காதல் பெறும் தனிப்பெறும் இடத்தைச் சுட்டிக்காட்டுகிறார் மூதறிஞர் வ.சுப. மாணிக்கம்.

சங்க இலக்கியத்தில் இடம் பெற்றுள்ள பாடல்களின் எண் ணிக்கை 2381. அதனுள், அகத்திணை பற்றி அமைந்தவை 1862. சங்கச் சான்றோர் தொகை 473. அதனுள், அகம் பாடிய புலவர் 378 பேர். இப்புள்ளி விவரம், சங்க இலக்கியத்தில் அகத்திணை - காதல் உணர்வு - பேரிடம் பெறுவதைப் புலப்படுத்துவதாகும். பாடல் எண் ணிக்கையால் மட்டுமின்றி, பாடும் முறையாலும் சங்க இலக்கிய அகத் திணைப் பாடல்கள் - காதல் பாடல்கள் - சிறந்து விளங்குகின்றன

‘யாயும் ஞாயும் யாராகியரோ’

என்கிற காதல் பாடல் அதிகம் சிலாகிக்கப்பட்டது.

அண்மையில் செம்புலப் பெயல்நீராரின் இந்தக் குறுந்தொகைப் பாடல், லண்டனில் பூமிக்கு அடியில் ஓடும் ரயிலில் பொறித்து வைக்கப் பட்டதாம். ‘தமிழ்த் தாத்தா’ உ.வே.சா. அவர்களுக்கு முன்பே குறுந் தொகையை 1915-ஆம் ஆண்டில் பதிப்பிக்கப்பட்ட திருக்கண்ணபுரம், திருமாளிகை சௌரிப் பெருமாள் அரங்கன் வெளியிட்ட நூல் ஒன்று, லண்டன் பிரிட்டிஷ் நூலகத்தில் காலிகோ கட்டுடன் நல்ல நிலையில் உள்ளதாம். அதிலிருந்து இப்பாடலைத் தேர்ந்தெடுத்து, சங்க இலக்கிய ஆங்கில மொழியாக்கத்தில் தன்னிகரற்ற பேரறிஞர் ஏ.கே. இராமானுசன் மொழிபெயர்ப்புடன் இணைத்து, அந்தத் தொடர் வண்டியில் அமைக் கப்பட்டிருப்பதை, அவ்வாறே ஒளிப்படமெடுத்து ‘இந்து’ ஆங்கில நாளிதழ் (1.7.2001) வெளியிட்டுள்ளது.

(காதல் காலம் கடந்தும் தேசம் கடந்தும் வாழ்ந்து கொண்டே இருக்கிறது என்பதை இரா. மோகனின் இந்தக் கட்டுரையிலிருந்து அறியலாம். அறியா மூடர்களான மத வெறியர்கள்தான் காதலர்தினத்தையும் எதிர்ப்பர்).

தீக்கதிர்

உணர்ச்சி என்பது என்ன?

2011-02-09T23:02:00.000-08:00

உணர்ச்சி என்பது என்ன? இதைப் பற்றி நன்கு ஆய்ந்து அறிந்தவர் வில்லியம் ஜேம்ஸ் என்ற பேரறிஞர். 1884-ல் உணர்ச்சியை விளக்கிக் கூறிய அவர், "உடலில் உணரக் கூடிய அளவுக்கு மாறுதல்களைத் தரும் மனநிலையே உணர்ச்சி" என்று வரையறுக்கிறார். ஒவ்வொரு உணர்ச்சியும் உடலிலே, ரத்த நாளங்களிலே, சதைப் பகுதிகளிலே, சுரப்பிகளிலே அந்தந்த மனநிலைக்குத் தக்கவாறு மாறுதல்களை ஏற்படுத்துகின்றன என்பதை அவர் அறிவியல் பூர்வமாக கண்டறிந்தார்.

உடலில் தோன்றும் 50 சதவிகித வியாதிகள் உணர்ச்சியால் தூண்டப்படும் வியாதிகளே (EMOTIONALLY INDUCED ILLNESS) என்ற முடிவுக்கு உளவியலாரும் மருத்துவர்களும் வந்துள்ளனர்

உங்களுக்கு மன இறுக்கம் தோன்றி, தொடர்ந்தால் என்ன செய்ய வேண்டும் தெரியுமா?

2010-12-22T23:13:00.000-08:00

முதலில் இது அவமானப்பட வேண்டிய விஷயம் அல்ல என்பதைப் புரிந்து கொள்ளுங்கள். நீங்கள் எந்த தவறும் செய்துவிடவில்லை. மரபணு, சுற்றுப்புற சூழல் (அதாவது உங்களால் கட்டுப்படுத்த இயலாதவை) உங்கள் மனச்சோர்வுக்குக் காரணமாக அமைந்திருக்கக் கூடும்.

உடனே மனநல மருத்துவரிடம் ஓட வேண்டும் என்பதில்லை. மனதிற்கு உற்சாகம் அளிக்கும் வகையில் ஏதாவது மாற்றங்களை கொண்டு வரமுடியுமா என்று பாருங்கள். ஒரு சின்னச் சுற்றுலா, இடம் மாறுதல், மொட்டை மாடியில் உணவு, அலுவலகத்தில் வேறு திசையில் உங்கள் இறுக்கையை மாற்றிக்கொள்வது போன்ற விஷயங்கள்கூட இதில் உதவலாம்.

மனச்சோர்வு தொடர்ந்தால், உங்கள் குடும்ப டாக்டரை அணுகலாம். ரத்தக்கொதிப்பு, நீரிழிவு நோய் போன்ற காரணங்கள் கூட மனச்சோர்வுக்கு வழி வகுக்கலாம். காரணங்களை கட்டுக்குள் கொண்டு வந்தாலே மனச்சோர்வு மறைந்துவிடும்.

அப்படியும் மனச்சோர்வு தொடருகிறது என்றால் தயங்காமல் மனநல மருத்துவரையோ, மனவியல் மருத்துவரையோ அணுகுங்கள். அவர்களின் சிகிச்சைக்கு உடன்படுங்கள்.

அமெரிக்க ராணுவத்தினர் தற்கொலை அதிகரிப்பு

2010-12-01T02:53:00.000-08:00

பாதுகாப்புப் பணியில் இல்லாத அமெரிக்க ராணுவத் தினர் தற்கொலை செய்து கொள்வது 2010 ஆம் ஆண்டில் அதிகரித்திருக்கிறது.

எப்போதுமே போரை எதிர்நோக்கும் அமெரிக்க ராணுவத்தினர் பணிக்குச் செல்லாத காலத்தில் போதை மருந்துகளுக்கு அடிமையாகி விடுகிறார்கள். இதைத் தடுப் பதற்காக அமெரிக்க ராணுவம் எவ்வளவோ முயற்சிகளை செய்து பார்த்துவிட்டது. மன அழுத்தம், பணிக்காலத்தில் மூளையில் ஏற்பட்ட பாதிப்பு, நாட்டின் பொருளாதார நெருக்கடியால் இவர்களுக்கு ஏற்படும் பாதிப்பு ஆகி யவற்றால் தற்கொலை செய்து கொள்ளும் முடிவை எடுக் கும் நிலைக்கு தள்ளப்படுகிறார்கள்.

தற்கொலைகளைக் குறைக்க அமெரிக்க ராணுவத்தால் ஒரு குழு ஒன்று நியமிக்கப்பட்டுள்ளது. தற்கொலைக் கான காரணங்களை அந்தக்குழுவின் துணை அதிகாரி கிரிஸ் பில்பிரிக் பட்டியலிடுகிறார். நடப்பாண்டில் மட் டும் அக்டோபர் மாதம் வரையில் 86 ராணுவத்தினர் தற் கொலை செய்திருக்கிறார்கள். கடந்த ஆண்டில் தற் கொலை செய்து கொண்டவர்களின் எண்ணிக்கை 48 ஆக இருந்தது. மேலும் இரு மாதங்கள் இருப்பதால் தற் கொலை எண்ணிக்கை நடப்பாண்டில் நூறைத் தொட்டு விடும் என்று எதிர்பார்க்கப்படுகிறது.

பணியில் இருப்பவர்களுக்கு மனரீதியான பாதிப்பு களுக்கான சிகிச்சைகள் உடனுக்குடன் அளிக்கப்படு கிறது. பணியில் இல்லாதவர்களுக்கு இந்த சிகிச்சை தாம தமாக அளிக்கப்படுவதும் முக்கியமான காரணம் என்று கிரிஸ் பில்பிரிக் குறிப்பிடுகிறார்

ஒரு நாளைக்கு அஞ்சு தடவ அடிக்குறாங்க...”

2010-11-03T00:23:00.000-07:00

பள்ளிக்கூடத்திற்கு செல்லும் மாணவ, மாணவிகள் எக்கச்சக்கமான சுமையை ஏற்கெனவே தூக்கிச் சென்று கொண்டிருக்கிறார்கள். இந்த நிலையில் மாணவிகள் பாலியல் ரீதியான கொடுமைகளைக் கூடுதலாகச் சுமக்கிறார்கள். பள்ளிக்கூடங்களுக்குச் செல்லும் இந்திய மாணவிகளில் பாதிப்பேர் பாலியல் ரீதியான தொல்லைகளுக்கு ஆளாகிறார்கள் என்று பிளான் இன்டர்நேஷனல் என்ற அமைப்பு மேற்கொண்ட ஆய்வில் தெரிய வந்துள்ளது.

லண்டனைத் தளமாகக் கொண்டு இயங்கும் இந்த அமைப்பு, குழந்தைகளின் நிலைமை பற்றி சர்வதேச அளவிலான ஆய்வுகளைச் செய்து வருகிறது. அண்மையில் இந்த அமைப்பு சார்பில் மேற்கொண்ட ஆய்வில் பாலியல் ரீதியிலான தொல்லைகள் மற்றும் பள்ளிக்கூடங்களில் மாணவர்களுக்கு கடுமையான தண்டனைகள் வழங்குவது ஆகியவை பற்றி ஏராளமான தகவல்கள் அம்பலமாகியுள்ளன.

50 விழுக்காடு மாணவர்கள் பாலியல் ரீதியான தொல்லைகளை இந்தியாவில் சந்திக்கையில், 65 விழுக்காடு மாணவர்கள் பள்ளிக்கூடங்களில் கடுமையான தண்டனைகளைப் பெறுகிறார்கள். இத்தகைய தண்டனைகள் வழங்குவது சட்டரீதியாகத் தடைசெய்யப்பட்டுள்ளது என்பதையும் மீறி இத்தகைய கொடுமைகள் நிகழத்தான் செய்கின்றன. பாலியல் ரீதியான தொல்லைகள் மற்றும் மாணவர்கள் மீதான தண்டனைகள் ஆகியவை மிக அதிகமாக இருக்கின்றன என்பதை பிளான் இன்டர்நேஷனல் ஆய்வறிக்கை எடுத்துக்காட்டுகிறது.

13 நாடுகளில் இந்த ஆய்வு நடத்தப்பட்டுள்ளது. அவ்வாறு ஆய்வு மேற்கொள்ளப்பட்ட இந்த 13 நாடுகளில் இந்தியா மூன்றாவது இடத்தில் உள்ளது. இந்தியாவிற்கு முன்பாக அமெரிக்கா மற்றும் பிரேசில் ஆகிய இரண்டு நாடுகளும் உள்ளன. கொலம்பியா, ஈக்குவடார், பெரு,நிகரகுவா, எல் சால்வடார், குவாதிமாலா, டொமினிகன் குடியரசு, பொலிவியா, ஜோர்டான் மற்றும் எகிப்து ஆகிய நாடுகள்தான் ஆய்வு நடைபெற்ற மற்ற நாடுகளாகும்.

மற்ற நாடுகளில் பாலியல் ரீதியான கொடுமைகள் இருக்கும் நிலையில், இந்தியாவைப் பொறுத்தவரை இரண்டு வகையான கொடுமைகள் உள்ளன. பாலியல் ரீதியாக மட்டுமில்லாமல், சாதி ரீதியாகவும் கொடுமைகளை அனுபவிக்க வேண்டி வருகிறது. குழந்தைகளுக்கு எதிரான வன்முறைகளுக்கு இந்த இரண்டும் முக்கியமான காரணங்களாகக் கூறப்படுகிறது. தண்டனைகளைத் தாங்கிக் கொள்ள முடியாமல் ஏராளமான குழந்தைகள் பள்ளிக்கூடங்களுக்குச் செல்வதையே நிறுத்தும் அவல நிலை ஏற்பட்டுள்ளது.

மாணவர்களைத் தண்டிக்கும் கொடுமைகள் பல வகைகளில் இந்தியாவில் நடக்கின்றன. குச்சிகளாலும், கைகளாலும் அடிப்பது, பல நிலைகளில் நிற்க வைப்பது, நாற்காலியோடு சேர்த்துக் கட்டி வைப்பது என்று மாணவர்களுக்கு வழங்கப்படும் தண்டனைகளின் வடிவங்கள் ஏராளம். இந்திய அரசு தந்துள்ள விபரங்களோடு தனக்குக் கிடைத்துள்ள விபரங்களை பிளான் இன்டர்நேஷனல் ஒப்பிட்டும் பார்த்துள்ளது.

2007 ஆம் ஆண்டு தில்லி மாநில மகளிர் மற்றும் குழந்தைகள் மேம்பாட்டு அமைச்சகம் ஒரு ஆய்வை நடத்தியது. பள்ளிகளில் வழங்கப்படும் தண்டனைகள் குறித்து 3 ஆயிரம் பள்ளிக்குழந்தைகளிடம் கேள்விகள் கேட்கப்பட்டன. இதேபோல் நாடு முழுவதும் ஆய்வு நடத்தப்பட்டது. மொத்தம் 13 மாநிலங்களில் 12 ஆயிரத்து 500 குழந்தைகளை ஆய்வுக்குழுவினர் சந்தித்தனர். அவர்களிடம் கேட்ட கேள்விகளுக்குக் கிடைத்த பதில்களைத் தொகுத்ததில் கடுமையான தண்டனைகள் பள்ளிக்கூடங்களில் தரப்படுவதாக குழந்தைகள் கூறின. மாணவிகளைக்(45 விழுக்காடு) காட்டிலும் மாணவர்களுக்கு(54 விழுக்காடு) அதிகமாகத் தண்டனைகள் வழங்கப்படுகின்றன.

அதேபோல், பாலியல் ரீதியாகத் தாங்கள் தொல்லைகளுக்கு உள்ளாவதாக கிட்டத்தட்ட பாதிப்பேர் ஆய்வுக்குழுவினரிடம் தெரிவித்துள்ளனர்.

இந்திய மாநிலங்களில் அசாம், மிசோரம் மற்றும் உத்தரப்பிரதேசம் ஆகிய மாநிலங்களில்தான் மாணவர்களுக்கு அதிகமான அளவில் தண்டனை தரப்படுகிறது. மிகவும் குறைவான அளவில் தண்டனை கிடைக்கும் மாநிலங்களாக ராஜஸ்தான் மற்றும் கோவா ஆகிய இரண்டு நிலங்களும் உள்ளன. 13 மாநிலங்களில்தான் இந்த ஆய்வு மேற்கொள்ளப்பட்டது. அதிகமான மாணவர்கள் இருப்பதால் எங்களால் கவனிக்க முடியவில்லை. அதனால்தான் அடிக்கிறோம் என்று ஆசிரியர்கள் தரப்பில் கூறப்படுகிறது.

ஒரு நாளைக்கு சராசரியாக ஐந்து முறை மாணவர்கள் அடிவாங்குகிறார்கள் என்று இந்த ஆய்வு கூறுகிறது. பள்ளிப்படிப்பை பாதியிலேயே நிறுத்துவது உள்ளிட்ட பல்வேறு பிரச்சனைகள் ஏற்படுவதால் அரசுக்கு ஏற்படும் இழப்பையும் பிளான் இன்டர்நேஷனல் கணக்கிட்டுள்ளது. இந்தக்கணக்கு எவ்வளவு சரியானது என்பது கேள்விக்குறியாக இருந்தாலும் இழப்பு ஏற்பட்டிருக்கிறது என்பதை மறுக்க முடியாது என்பதுதான் உண்மை.

thanks தீக்கதிர்

ஆடம்பரப் பள்ளிகள் சிறந்த மாணவர்களை உருவாக்குகிறதா?

2010-10-28T00:45:00.001-07:00

நமது பள்ளிகள் குறித்த பார்வையை உருவாக்குவதில் சில அடிப்படையான உளவியல் முறை

கள் பின்பற்றப்படுகின்றன . சமூகம் சார்ந்த உளவியல் இதில் முக்கிய பங்கு

வகிக்கிறது. பொது புத்தி என்ற பதத்தின் அடிப்படையில் அதிக விளம்பரம் செய்யற , பணக்காரர்கள் படிக்க வைக்கும் பள்ளியில் தனது பிள்ளை சேர்க்க வேண்டும் என்ற மனரீதியான ஆசை, அதற்கு ஏற்றார் போல இந்த நவின பள்ளிகள் தேவையான பகட்டு வேலைகளை செய்து விடுகிறது. அதுகுறித்த கிழ்கண்டபதிவுவை படிங்கள்

பள்ளிகள் மாறி வருகின்றன. ஆடம்பரமான தனியார் பள்ளிகள் பகட்டான விளம்பரங்களை செய்து வருகின்றன. அவற்றின் தோற்றப்பொலிவும் அழகும் கண்ணைக் கவர்கிற விதத்தில் உள் ளன என்றால் மிகையல்ல. முன்பு பள் ளிகளில் கரும்பலகைகள் இருந்தன. வெள்ளைச் சாக்பீஸ் இருந்தது. இப்போது வெள்ளைப் பலகைகள் உள்ளன. கருப்பு மை ஸ்கெட்ச் பேனாக்கள் பயன் படுத்தப்படுகின்றன. கணினி ஆய்வகம் உள்ளது. கழிப்பறை வசதிகள் உள்ளன. புல்வெளிகள், மைதானங்கள் அருமை யாக உள்ளன. ஆனால், சுமைதூக்கி யைப் போல பாடப்புத்தகங்களைச் சுமந்து செல்வது மட்டும் இன்னும் மாறவில்லை. ஒழுங்காக வகுப்பில் உட் கார்ந்து அனைத்துப் பாடங்களுக்கும் குறிப்பெடுப்பது, அவற்றை மனப்பாடம் செய்வது, தேர்வில் அதிக மதிப்பெண் கள் பெறுவது. அதிக மதிப்பெண் பெறும் மாணவ- மாணவியருக்கு காலை பிரார்த்தனைக் கூட்டத்தின்போது அதிக பாராட்டுகள். சென்ற மாதம் முதல் வகுப்பில் தேறிய மாணவி இந்த மாதம் இரண்டாவதாகவோ, மூன்றாவதாகவோ வரும் அள

விற்கு கடுமையான போட்டி கள் உள்ளன. முதலிடத்தைத் தக்க வைத்துக்கொள்வது மிகவும் கடினமான காரியமாகும். ஆனால் போட்டியிலே சாதிக்கத் தவறிய முன்னாள் சாம்பியன் கள் இரண்டாவதாகவோ, மூன்றாவதா கவோ வரும் நிலையில், அம்மாணவ- மாணவியர் கூனிக்குறுகும்படியாக உள்ளது.

பாரம்பரியமாகக் கல்வி கற்கும் முறையும் கற்பிக்கும் முறைகளும் மாறி வருகின்றன. ‘நிலா நிலா ஓடி வா’, ‘அம்மா இங்கே வா வா ஆசை முத்தம் தா தா’ பாட்டைக் கேட்கவே முடியவில் லை. அழகான சீருடையில் பூத்த நிலாக்களைப் போல மாணவர்கள். புழுதியில் புரண்டு எண்ணெய் பார்க் காத தலை, கிழிந்த சட்டை கிழிந்த டவுசர் எதையும் பார்க்க முடியாது.

காலையில் வாய்ப்பாட்டு(இசை) வகுப்பு, சனி, ஞாயிறுகளில் பரதம், வெஸ்டர்ன் ஏதோ ஒரு நடனப் பயிற்சி, அபாகஸ் வகுப்பு, இந்தி டியூசன், யோகா, கராத்தே, செஸ் விளையாட்டு வழக்கமான பாடங்களுக்கு டியூசன் குழந்தை கண் விழித்ததிலிருந்து தூங்கப் போகும் வரை ஒரே பிஸி. பிஸியோ பிஸி. ஓய்வில் லாத நிலை

யில் குழந்தைகள் எளிதாக மனச்சோர்வு அடைகிறார்கள். தோல்வி யைத் தாங்குவதற்கு அவர்களால் இய லாமல் போகிறது. பெற்றோர்களையோ, ஆசிரியர்களையோ, நண்பர்களையோ நேருக்கு நேர் சந்திக்கக் கூச்சப்படு கிறார்கள். அக்கம்பக்கத்தார் குழந்தைக ளின் கல்வி குறித்து ஏதாவது கேள்வி கேட்டு விட்டால் இரு தரப்பினரும் ஜென்ம விரோதிகளாகி விடுகிறார்கள். இருதரப்புப் பிள்ளைகளும் ஒரே பள்ளி யில், அதற்கும் மேலாக ஒரே வகுப்பில் படித்துக் கொண்டிருந்தால் கேட்கவே வேண்டாம்.

குழந்தைகளின் மூளை ஓய்வில்லா மல் வேலை செய்கிறது. ஆனால் உடல ளவில் அவ்வளவாக ஆரோக்கியம் இல்லை. பெற்றோர்களும் தங்களைத் தாங்களே வருத்திக் கொண்டும், பிள் ளைகளையும் வருத்துகிறார்கள்.

அங்கிளுக்கு சாமஜ வர கமனா பாட் டுப்பாடிக் காட்டு, ஆடிக்காட்டு, அவ னோடு செஸ் பிராக்டிஸ் செய்தால் என்ன? ஏன் சும்மாவே நின்று கொண்டி ருக்கிறாய். கம்ப்யூட்டர் பாடம் படித்து விட்டாயா? ஹோம் ஒர்க் முடித்து விட் டாயா? என கேள்விகள் பதில்கள் கடி காரத்தின் இரண்டு முட்களைப் போல. ஓடிக்கொண்டேயிருக்கிறது குழந்தை.

வகுப்பிற்கு பத்து குழந்தைகளோ பதினைந்து குழந்தைகளோ அவ்வளவு தான்.குறைந்த அளவு குழந்தைகள் இருந்தால் அனைத்துக் குழந்தைகளை யும் நன்றாகக் கவனிக்க முடியும் என்று நிர்வாகம் கதை விடுகிறது. நிற்பதற்கு நடப்பதற்கு அனைத்திற்கும் பீஸ். ஒரு மார்க் அரை மார்க் வித்தியாசத்தில் அத் தனை ரேங்குகளும். பள்ளிப்படிப்பில் சுட்டிகளாக கெட்டிகளாக விளங்கும் பிள்ளைகள் வாழ்க்கையில் 100 ரூபாய் நோட்டிற்கும் 500 ரூபாய் நோட்டிற்கும் வித்தியாசம் தெரியாதவர்களாகவும், யதார்த்த வாழ்க்கையைப் புரிந்து கொள்ளாமல் எளிதில் ஏமாந்து விடு கிறார்கள். பள்ளிப்படிப்பை முடித்து வெளியே வருபவர்கள் தமிழும் தெரி யாமல் ஆங்கிலமும் சரியாகத் தெரியா மல் அரைகுறையாக வெளியில் வரு கின்றனர். குரூப் டிஸ்கஷன், ப்ரிசே ரைட்டிங் (யீசநஉளைந றசவைiபே) போன்றவைகள் வாழ்க்கைக்கு உதவுவதில்லை என் பதை மாணவர்களும் பெற்றோர்களும் புரிந்து கொள்வதே இல்லை.

ஆனால் கல்லூரிக்குப் போகும் போது நன்கொடை கொடுக்காவிட்டால் இடம் கிடைக்காது. தகுந்த வேலை கிடைக்குமா? வேலை கிடைத்தாலும் செலவழித்த முதலுக்கு சம்பளம் கிடைக்குமா? எத்தனையோ பட்டதாரி கள் இரண்டாயிரத்துக்கும் மூன்றாயிரத் துக்கும் வேலை பார்க்கிறார்கள். இத்த னைக்கும் ஆண்களுக்கு பரவாயில் லை. பெண்கள் நிலைமை படுமோசம். வரைமுறையற்ற வேலைகள், காலவரம் பில்லாத உழைப்பு, குறைந்த சம்பளம். அதிக செலவில் வாங்கப்படும் டிகிரி சர்டிபிகேட், கல்யாணப் பத்திரிகை யில் போடுவதற்காக, அதிக வரதட்சணை வாங்குவதற்காக, பெருமைக்காக மட்டுமே உதவுகிறது. தாராளமய மாக்கல், தனியார்மயமாக்கல், அவுட் சோர்சிங் போன்ற இடையூறுகளுக் கிடையே கல்லூரிப்படிப்பை முடித்த பின்னர் அரசு வேலைவாய்ப்புகள் ஏதா வது கிடைத்தால் பிற்கால வாழ்க்கை பிரகாசமாக இருக்கும். தனியார் சந்தை யில் வேகமாக ஓடும் குதிரைகளுக்குத் தான் அதிக வாய்ப்பு. முன்னேறி வரும் தொழில்நுட்பத்திற்கு ஈடாக வளர வேண் டிய கட்டாயம். இல்லையென்றால் ‘நாம் நண்பர்களாகவே பிரிவோம்’ என்று பிரிவுபசாரப் பார்ட்டி நடத்தி விடுவார்கள்.

குழந்தைகளின் நிலைமை குறித்து பிரபல மனநல மருத்துவர் சியாமளா வத்சா கூறுவது,’குழந்தையின் ஆரோக்கியம், கற்பனை, திறமை போன்றவைகள் இயற்கையான ஆர்வத்தாலும் உந்து சக்தியாலும் வரவேண்டும். வகுப்பறை கள் குழந்தைகளின் கற்பனையை முடக்கி வைக்கிறது.’ எல்லாம் முடிந்த பிறகு பெற்றோர்களும் பிள்ளைகளும் ஒருவரையொருவர் பார்த்துக் கொண்டி ருக்க வேண்டியது தான்.

-எஸ்.சுப்பிரமணியன்

ஆங்கில உளவியல் சொல்களுக்கான தமிழ் சொல்கள் பகுதி-2

2010-10-17T06:10:00.000-07:00

C - வரிசை

CIRCUMLOCUTION - சுற்றி வளைத்துப் பேசுதல்

CLAIRVAUDIENCE - தெளிவுப்கேட்பு

CLAIRVOYANCE - தெளிவுக்காட்சி

CLAUSTROPHOBIA - மூட்டமருட்சி

CHEMOTAXIS - வேதித்தூண்டலியக்கம்

CHESS-BOARD ILLUSION - சதுரங்கத் திரிபுக்காட்சி

CLASSICAL CONDITIONING - பாரம்பரை நிலைப்படுத்தல் - ஒரு நபர் அல்லது உயிரினம் குறிப்பிட்ட நிகழ்வுகளுடன் இயைபு ஏற்படுத்தி அவையுடன் பங்கேற்பதற்கு தூண்டும் சூழல்; எடுத்தக்காட்டாக ஒரு நாய் உணவைக்கண்டு அதைப் பெறாமல் இருக்கும்போது அதன் நாவு ஊறும்

CRIE DU CHAT - பூனைக்கத்து இணைப்போக்கு

D - வரிசை

DECENCY - தகைமை

DELIRIUM - பித்து நிலை

DEPRESSION - மனச்சோர்வு

DISORIENTATION - தன்னிலையிழத்தல், தன்னிலையிழப்பு

DOGMA - கோட்பாடு

DYSLEXIA - எழுத்துக்கோர்வை மறதி

E - வரிசை

EGO - ஆணவம்

ELECTRIC SHOCK THERAPY - மின்னதிர்ச்சி மருத்துவம்

G - வரிசை

GENIUS - மேதை

GROUP BEHAVIOUR - குழு நடத்தை

GROUP SPIRIT - குழுவுணர்ச்சி

GROUP THERAPY - குழு மருத்துவம்

GROUPISTIC THINKING - குழுவழிச் சிந்தனை

H - வரிசை

HA(E)MOTOPHOBIA - குருதியச்சம்

HYPERACTIVITY - மிகைச்சுறுதி

HYPOMANIA - மாற்றுநிலை பித்தம்

HYSTERIA - மனயிசிவு

I - வரிசை

ICONOLATORY - உருவவழிபாடு

IMAGO - கனவுரு - விரும்பிய பொருள் அல்லது நபரின் கற்பனைத் தோற்றம

IMBECILE - நனிபேதை

M - வரிசை

MANIA - பித்த வெறி

MANIC DEPRESSIVE PSYCHOSIS - பித்தச் சோர்வுப் பைத்தியநிலை

MASOCHISM - வலியேற்பு வெறி

MATERNAL INSTINCT - தாய்மையூக்கம்

MEDIUM (SPIRITUAL) - ஊடகர்

MEMORY (POWER) - நினைவாற்றல்

MEMORY LEVEL - நினைவுத் தரம்

MEMORY SPAN - நினைவு நெடுக்கம்

MENTAL AGE - மனவயது

MENTAL GROWTH - மனவளர்ச்சி

MENTAL HEALTH - மனநலம்

MIND PERCEPTION - மனக்காட்சி

N - வரிசை

NUMERICAL ABILITY - எண் திறமை

O - வரிசை

ONANISM - நிறைவுறாச் சேர்க்கை

OPERANT CONDITIONING - இயக்கர் நிலைப்படுத்தல் - ஒரு குறிப்பிட்ட சூழுலின் காரணத்தால் ஒரு நபர் அல்லது உயிரினம் காட்டும் நடத்தை அல்லது கற்றல் முறை, எ.டு. உணவு, அணைப்பு, அன்பு கிடைக்கப்பெறுதலுக்கு மறுமொழியாக

ORTHODOX - ஆச்சாரமான

OUIJA BOARD - ஊடகி

P - வரிசை

PARAGRAPHIA - சொல்மறதி

PARALOGIA - பொய்யேரணம்

PARALOGISM - பொறுந்தாவாதம்

PARAMNESIA - பொய்நினைவு

PSYCHOGERIATIC - முதியோர் உளவியர்

PURPOSIVISM - நோக்கமுடைமை

PUZZLE BOX - புதிர்ப்பெட்டி - பல நெம்புகளுடைய பெட்டி, இவைகள் அனைத்தையும் விடுவிக்கப்பட்டு தான் திறக்கக்கூடியது

S - வரிசை

STRESS - மன இறுக்கம்

ஆங்கில உளவியல் சொல்களுக்கான தமிழ் சொல்கள் பகுதி-1

2010-10-15T04:02:00.000-07:00

ABERRANT BEHAVIOUR - கோளாறான நடத்தை

ABERRATION - மனக்கோளாறு

ABILITY - திறமை

ABKLINGEN - குர்ல் மங்கல்

ABSTRACT INTELLIGENCE - கருத்துநிலை நுண்ணறிவு

AGORAPHOBIA - திடல் மருட்சி - பொது இடங்களுக்கு, மக்கள் இடையே போதலில் அச்சம்

ALGONAGNIA - வலிநுகர்மகிழ்வு - வலித்தூண்டி அல்லது வலித்தாங்கி பாலுணர்வு மகிழ்ச்சியடையும் பண்பு

AIMING TEST - இயைபுச் சோதனை - கண்-கை இயைபை சரிபார்க்கும் சோதனை

ALALIA - ஊமைத்தன்மை - பிறவியிலேயோ அல்லது ஏதேனும் விபத்திலேயோ குரல்வளைத் தசைகள் அதிர்வடையாத நிலைக்கு போய் ஏற்படும் பேச்சு இயலாமை நிலை

ALEXIA - சொற்குருடு - மூளை பாதிப்பால் சொற்களை படிக்க இயலாமை நிலை

ALOGIA - பேச்சு வறுமை - மனக்குழப்பம், மனக்கோளாறு ஆகியவற்றால் முழுத் தகவலுடன் பேச்சு இயலாமை நிலை

AMNESIA - மறதிநோய்

ANOMIA - பெயர் மூங்கையம் - மூளை பாதிப்பால் பெயர்கள், இடங்கள் ஆகியவற்றின் நினைவாற்றல் இயலாமை நிலை; வேற்று ஆங்கிலச் சொற்கள் anomic aphasia, amnesic/amnestic aphasia

ANOMIC APHASIA - பெயர் மூங்கையம் - மூளை பாதிப்பால் பெயர்கள், இடங்கள் ஆகியவற்றின் நினைவாற்றல் இயலாமை நிலை; வேற்று ஆங்கிலச் சொற்கள் anomia, amnesic/amnestic aphasia

APHASIA - மூங்கையம் - மூளை பாதிப்பால் சொற்களை படிக்க இயலாமை நிலை; வேற்று ஆங்கிலச் சொல் aphemia

APHEMIA - மூங்கையம் - மூளை பாதிப்பால் சொற்களை படிக்க இயலாமை நிலை

ATTENTION DEFICIT HYPERACTIVITY DISORDER (ADHD) - கவனக்குறை மிகைச்சுறுதி

ATTENTION FIELD - கவனக்களம்

AUTISM - மதியிறுக்கம்

BABY-HOOD - குழவிப்பருவம்

BEHAVIOUR - நடத்தை

BIPOLAR MOOD DISORDER - இருமுனைக்கோடி

இனையதளங்களால் எற்படும் மனப்பாதிப்புகள்

2010-10-14T03:12:00.000-07:00

நமது வாழ்வில் பிரிக்கமுடிதாயதாகி விட்ட இனையதளங்கள் எற்படுத்தும் விபரிதங்கள் குறித்த கவலைகள் உலகமுழுவதும் இன்று விவாதத்திற்கு வந்துவிட்டன.

பொதுவாக நம்ம ஆளுங்க எதையும் முறையா பயண்படுத்தினால் எந்த பிரச்சனையும் இல்ல ஆனா எப்பவுமே தவறாக பயண்படுத்துவதே நமது கொள்கை என்கிற போது நாம் சில வேண்டாத நோய்களை தேடி பெறவேண்டி இருக்கிறது.

முக்கிய நோய்கள்

1. இனையதளங்களுக்கு அடிமையாதல்

2. மனச்சோர்வு

3. தனிமை உணர்வு

4. இனையதளங்களில் உள்ளதெல்லாம் உண்மை என நம்புமும் எண்ணம்

5. அதிதஇயலாமை உணர்வு

6.மனவுளைச்சல்

7. பாலியல் குறித்த தவறான வக்கிர எண்ணங்கள்

தீராத நோயெல்லாம் தீர்க்கும் இந்தப்பதிவு!

2010-10-05T00:23:00.000-07:00

’’இந்தப்பதிவை தினமும் படித்துவர சொல்லிவர தீராதவியாதியெல்லாம் தீரும் கபம், கண்டமாலை, பித்தவெடிப்பு, கண்வலி,வயிற்றுவலி, மண்டைகொதிப்பு… இப்படி 108 வியாதிகளைக் (விளம்பரத்தின் பின்புறம் உள்ள நோய்ப்பட்டியல் பார்க்க.) குணமாக்கக்கூடியது.

எண்ணி மூன்றே மாதங்களில் படுத்த படுக்கையாக இருப்பவர் எழுந்து நட நடவென்று நடப்பார். நடந்து திரிபவர் படுக்கையில் படுப்பார்(மன்னிக்கவும் இது அச்சுப்பிழை). நடக்கமுடியாதவர் நடப்பார். பேச

முடியாதவர் பாடுவார்.

இது பதிவு என்பதால் படிப்பவர்கள் இந்தப்பதிவைப் படிக்காதவர்கள் பதினைந்துபேருக்கு மின்னஞ்சலில் அனுப்பவேண்டும்.அனுப்பாவிட்டால் நோய் மோசமடையலாம். பதிவர் பிரபல நகரங்களில் லாட்ஜுகளில் தங்கி பதிவை படித்துக்காட்டுவார். நேரம் இடம் என்பன பற்றிப்பார்க்க…”

இப்படி விளம்பரங்கள் புதிதல்ல. ஆங்கில வைத்தியர்கள் தனிப்பட்ட விளம்பரம் செய்யமுடியாது என்பது மருத்துவ நெறி.

பதிவைப்படித்துச் சொல்ல நோய் குணமாகுமா என்று கேட்டால் இந்தப் பதிவையல்ல எந்தப் பதிவை வேண்டுமானாலும் நம்பிக்கையோடு படித்தால் நோய்கள் குணமடையலாம்.

நம்பிக்கை என்று சொன்னால் அது ஒரு பொதுவான/தீவிர நம்பிக்கையாக இருக்கவேண்டும்.உலகம் முழுவதும் அந்தப்பதிவைப்பற்றிப் பேசவேண்டும். பிரபலங்கள் அந்தப்பதிவைப்படித்து எனக்கிருந்த சிக்கல் தீர்ந்ததென்று பத்திரிக்கைகளில் சொல்லவேண்டும். நீங்கள் எதையும் நம்பும் இயல்புடையவராக இருக்கவேண்டும்

படிக்கத்தொடங்கும்போது முள்ளந்தண்டில் ஒரு குறுகுறுப்பு வரும் என்று பத்திரிகையில் எழுதியிருந்தால் உங்களுக்கும் குறு குறுப்பு வரும். குணமடையக்கூடிய நோய் உங்களுக்கு இருந்தால் ஒரு முப்பது வீதம் குணமடைக்கூடும்.

இது என்ன மந்திரமோ என்று கேட்டால் மந்திரம் ஒன்றுமில்லை.

அது ப்ளசிபோ PLACEBO விளைவு என்பார்கள்.

அப்படியென்றால் திருப்தியடைவது என்று அர்த்தம். அதாவது ’’திருப்தி’’ வைத்தியம். நம்பவைத்து குணப்படுத்துவது

புதிதாக கண்டுபிடிக்கப்பட்ட மாத்திரையை பரிசோதிக்கும்போது மருந்து மாதிரியான டம்மி மத்திரைகளை அரைவாசிப்பேருக்கும் நிஜ மாத்திரையை மிகுதிப்பேருக்கும் கொடுப்பார்கள்.

அப்போது அவர்கள் அவதானித்ததுதான் இந்த ப்ளசிபோ விளைவு.

தலை வலிக்கிற முப்பது பேருக்கு டம்மி தலைவலி மாத்திரைகளை கொடுத்தால் அதில் பத்து பேருக்கு தலைவலி போய்விடும்.

வலியால் தவிக்கும் புற்றுநோயாளிகளில் கூட இதை அவதானித்திருக்கிறார்கள். டம்மி மாத்திரைகளைக்கொடுத்த்போது சிலரில் வலி குறைந்துபோனதாம்.

அவர்கள் அந்த மாத்திரைக்கு குணப்படுத்தும் சக்தியிருப்பதாக நம்புவதுதான்

இதற்கு காரணம் என்ன?

பல காரணங்களைச் சொல்கிறார்கள்.

அதில் நோய்வாய்ப்படுவதிலும் நோய்குணமடைவதிலும் மனத்திற்கு நிறையவே பங்கு இருக்கிறது என்பது முக்கியமானஒன்று.தவிர,

நோய்கள் தாமாகவே குணமடையலாம்.எளிய உதாரணம் தடிமன் போன்ற அனேகமான வைரஸ் காய்ச்சல்கள் 5-6 நாட்களில் குணமடைந்து விடுகின்றன.மருந்துகள் எவையும் தேவைப்படுவதில்லை.

ஆனால் அச்சப்படுகிற ஒரு அம்மா தன் குழந்தையை உடனேயே மருத்துவரிடம் கொண்டு போய்விடுவாள். மருத்துவர் காய்ச்சல் தணிக்கும் மருந்துப்பாணியைக் கொடுப்பார். அம்மாவுக்கும் திருப்தி டாக்டருக்கும் திருப்தி. ஆனால் நோய் தானாகவே குணமடைந்துவிடும்.

உளச்சிக்கல்கள் உடல் நோய்களாக வெளிப்படுவதுண்டு. சாதாரண தலைவலியிலிருந்து வலிப்பு மயக்கம் திடீரென பேசமுடியாது போதல் நடக்கமுடையாதுபோதல் என பலவிதமான நோய்கள் இருக்கின்றன. இவை இந்த திருப்தி வைத்தியத்தில் குணமடையக்கூடும். அல்லது ஒரு நம்பிக்கை பிரார்த்தனை போன்றவற்றில அதிசயமாய்க்குணமடைய முடியும்

போலி மருத்துவர்களும், சாமியார்களும், இன்னும்பலரும் இந்த மூன்றில் ஒரு பங்கு ‘திருப்தி’ வைத்தியப் பகுதியிலேயே வாழுகிறார்கள்.

சிலர் இப்படி திருப்தி சிகிச்சை எந்த விளைவுகளையும் ஏற்படுத்துவதில்லை என்றும் சொல்கிறார்கள்.

நன்றி

அ.கிருஷ்ணேந்திரன்

மனக்காயங்களுக்கு பின்னான உளவியல் சிக்கல்கள்

2010-10-05T00:04:00.000-07:00

POST TRAUMATIC STRESS DISORDER

அமெரிக்க மனோவைத்தியர்களின் கூட்டமைப்பின் கருத்துப்படி, அதீத பய உணர்வையும் கொடூரத்தையும் ,ஒன்றுமே செய்யமுடியவில்லையே என்கிற பரிதவிப்பையும் ஏற்படுத்தி, ஆழமான மனக்காயத்தை அல்லது தாக்கத்தை ஏற்படுத்துகிற ஒரு சம்பவத்துக்கு முகங்கொடுக்க நேரிடும் ஒருவரில் உளக்காயத்துக்குபின்னான உளநெருக்கீட்டுச்சிக்கல் எனப்படும் post traumatic stress disorder- PTSD, ஒரு மனநிலை/நோய் நிலை ஏற்படுகிறது.

இப்படி மனக்காயத்தை உண்டுபண்ணும் சம்பவங்கள்:.

1. யுத்தம்

2. சித்திரவதை

3. பாலியல் வன்முறை,வன்புணர்வு

4. சிறுவர் பாலியல் துஷ்பிரயோகம்,சிறுவர்கள் மீதான வன்முறை

5. கடத்தப்படுதல்

6. பயங்கரவாதம்

7. இயற்கை அனர்த்தங்கள்(தீ, சுனாமி,நிலநடுக்கம்,வெள்ளம்,சூறாவளி)

8. பெரும் வாகன விபத்துக்களில் அகப்படுதல்

9. உயிர்க்கொல்லி நோய்(கான்சர் போன்ற நோய் )தனக்கு ஏற்பட்டிருப்பதை அறிதல்

10. கொலை,தற்கொலை உயிரிழப்பு சம்பவங்களை நேரில் பார்த்தல்

இந்தச்சம்பவங்கள் பின்வருவோரில் அதிக தாக்கத்தை ஏற்படுத்தி PTSD ஆக மாற்றமடையும் வாய்ப்பு அதிகம்:

1.ஏற்கனவே இளம் வயதில் இப்படியான சம்பவங்களால் பாதிப்புற்றவர்கள்.

2. ஏற்கனவே மனநிலை/மனநோய்ச்சிக்கல் உடையவர்கள்

3. கல்வியறிவு குறைந்தவர்கள்

4. இளம்பராயத்தினர்

5. பெண்கள்

6. சமுக உறவு /ஆதரவு இல்லாதவர்

7. அண்மைய மனதை நெருக்கும் வாழ்க்கை மாற்றங்கள்.

இவர்களில் பின்வரும் இயல்புகள் தென்படும்:

1. மனத்தை வாட்டமடையச் செய்யும் எண்ணங்களும், மனக்காட்சிகளும் தோன்றிக்கொண்டே இருக்கும்.

2. சம்பவம்போல பயங்கர கனவுகள் தூக்கத்தை குழப்புதல்

3. அந்தச்சம்பவம் மீண்டும் நடைபெறுவதுபோல உணர்தல், அல்லது நடைபெற்றுக்கொண்டிருப்பதாக நடந்து கொள்ளல்.

4. புண்படுத்திய சம்பவம் நினைவூட்டப்படும் சந்தர்ப்பங்களில் உணர்ச்சி வசப்படல்

5. நினைவூட்டப்படும்போது, வியர்த்தல், பதட்டம், நெஞ்சுப்படபடப்பு, உடல் விறைப்படைதல்

இவர்கள் மேலும் ,

· நடந்த சம்பவத்தை நினத்துப்பார்ப்பதையோ, அதைப்பற்றிப் பேசுவதையோ தவிர்ப்பார்கள்.

· சம்பவத்தை நினைவு படுத்துகிற மனிதர்களை, இடங்களை, செயல்களைத் தவிர்ப்பார்கள்.

· சம்பவத்தின் முக்கியமான பகுதிகளை மறந்து விட்டிருப்பார்கள்.

· கொண்டாட்டங்கள்,சந்தோஷங்களை ,தொழில் ஆர்வத்தை,கல்வியில் உள்ள ஈடுபாட்டை இழந்துவிட்டிருப்பார்கள்.

· மற்றவர்களிடமிருந்து விலகி தனிமையை நாடுபவர்களாக இருப்பார்கள்

· சந்தோஷப்படுகிற அன்புகாட்டுகிற, னெகிழ்ந்து போகிற தன்மை அற்று மரத்துபோனவர்களாக இருப்பார்கள்.

· தமக்கு எதிர்காலம் ஒன்று இல்லை என்பதாக நாளைபற்றிய கனவுகள் எதுவுமற்றுப்போனவர்களாக இருப்பார்கள்

அவர்கள் எப்போது அரண்ட நிலயில் இருப்பதால்

· ஒழுங்கற்ற தூக்கம்

· இலகுவில் எரிச்சலடையும், கோபப்படும் தன்மை

· மனதை ஒருமுகப்படுத்தமுடியாத இயல்பு.

· எப்போதும் விழிப்பாக ஆபத்து நிகழலாம் என்ற எச்சரிக்கை மனநிலை

· சிறு ஒலிகள்,அசைவுகளுக்கு கூட மருளும் இயல்பு

சிகிச்சை முறைகள்:

1. இந்த மனநிலை பற்றிய தெளிவும் அறிவும் தகவல்களும் கற்றுக்கொள்ளுதல் முதற்படி; தன் மனக்காயத்தை புரிந்து கொள்ள முடியும்.

2. பய உணர்வு ,கோபம், துக்கம் போன்ற உணர்வுகளை கையாளப்பழகுதல்.

3. துன்பப்படுத்தும் நினைவுகளை, செயல்களை எதிர்கொண்டு அவற்றிற்கூடாக உணர்வுகளை வடியச்செய்தல்.- நாடகங்கள்.காட்சிப்படுதல், சம்பவங்களைப்பற்றி பேசுதல் போன்றன.

4. எண்ணவழி சிகிச்சை –COGNITIVE THERAPY

அதிகரிக்கும் தற்கொலை... அதிர்ச்சியூட்டும் பின்னணி!

2010-08-26T02:12:00.002-07:00

“ஜூலை இரண்டாவது வாரத்தில் கவிதா (திருப்பூர் நகர் அருகிலுள்ள பள்ளிப்பாளையம்) என்ற 35 வயதுப் பெண்மணி தன்னுடைய இரண்டு குழந்தைகளையும் கிணற் றிலே தள்ளிவிட்டு பிறகு தானும் கிணற்றில் விழுந்து தற்கொலை செய்து கொண்டார். குடும்பக்கட னை அடைக்க நிலத்தை விற்க, தனது கணவன் முயற்சித்ததைக் கண்டு மனம் உடைந்து தற்கொலை செய்து கொண்டார். குடும்பத்தைப் பாது காக்க நடத்திய போராட்டத் தில் தோல்வியுற்ற பிறகே இத்த கைய சோகமான முடிவுக்கு வந்தார்”

டெக்கான் கிரானிக்கல் (23-07-2010)

இது ஒரு சம்பவம் மட்டுமல்ல, 2010 ஜனவரி முதல் ஜூன் வரையில் திருப்பூர் நகரிலும், அருகிலுள்ள பகுதிகளிலும் சுமார் 350 பேர் தற்கொலை செய்து கொண்டுள்ளனர். தற்கொலைக்கு பிர தானமான காரணம், கந்துவட்டிக் கொடு மை மற்றும், வறுமைதான் என பத்திரி கைகளின் ஆய்வுகள் கூறுகின்றன.

ஆண்டுக்கு 11 ஆயிரத்து 500 கோடி ரூபாய்க்கு ஏற்றுமதி செய்து அந்நியச் செலாவணியை ஈட்டித்தரும் டாலர் கொழிக்கும் நகரத்தில் தான் மேற்கண்ட சோகம் நிகழ்ந்துள்ளது. இது திருப்பூர் நகரத்தில் உள்ள நிலைமை மட்டுமல்ல. இதைப் போலவே, சேலம் மாவட்டம் ஓமலூர் வட்டத்திலுள்ள செம்மாண்ட பட்டி கிராமத்தில் நெசவுத்தொழிலாளர் குடும்பத்தைச் சார்ந்த 5 பேர் வேலை யில்லாததால் வறுமை காரணமாக தற்கொலை செய்து கொண்டார்கள் என்ற செய்தி பத்திரிகையில் வெளியானது. வயதான தந்தை, தாய் மற்றும் மருமகள், எட்டுவயது பேரன், 2 வயது பேத்தி ஆகியோர் தற்கொலை செய்து கொண்ட சோக நிகழ்ச்சி சில மாதங்களுக்கு முன்பு நடந்துள்ளது. மாநிலம் முழுவதும் நகர்ப்புற, கிராமப்புற ஏழைகள் இத்தகைய அவல நிலைமையில்தான் வாழ்ந்து வருகிறார்கள்.

இத்தகைய நிலைமை திடீரென்று ஒரு நாளில் உருவாகிவிட வில்லை. கடந்த 20 ஆண்டு காலமாக அகில இந் திய அளவில் மத்திய அரசு கடைப் பிடித்து வரும் தாராளமயப் பொருளாதாரக் கொள்கைதான் மக்களை தற்கொலை யை நோக்கி தள்ளுகிறது. குறிப்பாக 2009ஆம் ஆண்டு ஆட்சிப் பொறுப்பேற்ற காங்கிரஸ் தலைமையி லான திமுக இடம் பெற்றுள்ள ஐக்கிய முற்போக்குக் கூட் டணி அரசு கடைப் பிடித்துவரும் தாராளமயப் பொருளாதாரக் கொள்கை ஏழை, எளிய உழைக்கும் மக்களை வாழ்க் கையின் விளிம்புக்கே விரட்டி விடுகிறது.

தாராளமயப் பொருளாதார கொள்கை யினால் இந்திய பொருளாதாரம் கடந்த ஆண்டு 7.4 சதவிகிதம் வளர்ந்துள்ளதாக மத்திய அரசு தம்பட்டம் அடிக்கிறது. இந்த வளர்ச்சி யாருக்குப் பலன் அளித்துள்ளது என்பதுதான் பிரச்சனை. 2004ஆம் ஆண்டு ரூபாய் 4,600கோடியும், அதற்கும் கூடுதலாக சொத்துள்ளவர்களின் எண் ணிக்கை 9. ஆனால் இத்தகைய பெரு முதலாளிகளின் எண்ணிக்கை 2010இல் 49 ஆக உயர்ந்துள்ளது. பணக்காரர்கள் மேலும் பணக்காரர்களாவதும், ஏழைகள் மேலும் ஏழைகளாவதும் மத்திய-மாநில அரசுகள் கடைப்பிடித்து வரும் தாராள மயப் பொருளாதாரக் கொள்கைகளின் விளைவே ஆகும்.

நாட்டிலுள்ள ஒட்டுமொத்த மக்கள் தொகையில் சுமார் 45 கோடிப்பேர் கருத் தாலும், கரத்தாலும் உழைத்து வாழ்பவர் கள். இதில் விவசாயத் தொழிலாளர்கள் உள்ளிட்ட முறைசாராத் தொழிலாளர்கள் 39 கோடிப்பேர். இவர்கள்தான் நகர்ப்புற, கிராமப்புற ஏழை உழைக்கும் மக்கள். இதில் தலித், பழங்குடி மற்றும் சிறு பான்மை பகுதியைச் சார்ந்த முறைசாரா தொழிலாளர் குடும்பங்கள் சமூகக் கொடு மைகளுக்கும் ஆளாக்கப்படுகிறார்கள்.

மத்தியில் ஆட்சிப் பொறுப்பேற்ற ஐக் கிய முற்போக்குக் கூட்டணி அரசு -2 தனது முதல் பட்ஜெட்டில் மக்கள் மீது ரூ.60,000கோடி அளவுக்கு பாரத்தை சுமத் தியது. அதே நேரத்தில், முதலாளிகளுக்கு ரூ.26,000 கோடிக்கு சலுகை அளித்தது. மூன்றே மாதங்களில் இரண்டாவது முறையாக பெட்ரோலியப் பொருட்களின் விலையை உயர்த்தியது. மத்திய அரசி னுடைய இத்தகைய மக்கள் விரோதக் கொள்கையை எதிர்த்து கடந்த ஏப்ரல் 27 அன்றும், ஜூலை 5 அன்றும் தமிழகம் உட்பட நாடு தழுவிய கடையடைப்புப் போராட்டம் நடத்தினோம். அரசின் கொள்கையில் மாற்றம் ஏற்படாததால், தற்பொழுது ஆகஸ்ட் 22 முதல் 29 வரை மக்கள் சந்திப்பு பிரச்சார இயக்கத்தை மார்க்சிஸ்ட் கம்யூனிஸ்ட் கட்சி நடத்தி வருகிறது.

-ஜி.ராமகிருஷ்ணன் மாநிலச் செயலாளர்,
இந்திய கம்யூனிஸ்ட் கட்சி (மார்க்சிஸ்ட்)

அதிகரிக்கும் தற்கொலை... அதிர்ச்சியூட்டும் பின்னணி!

2010-08-26T02:12:00.001-07:00

அதிகரிக்கும் தற்கொலை... அதிர்ச்சியூட்டும் பின்னணி!

2010-08-26T02:12:00.000-07:00

வளர் இளம் பருவத்தினரின் பாலியல் பிரச்சினைகளும் தீர்வும்

2010-06-30T02:22:00.000-07:00

மனித வாழ்வில் பலவகையான பருவ நிலைகளை குறிப்பிட்டுச் சொல்ல முடியும். குழந்தை பருவம், வளர் இளம் பருவம், வாலிப் பருவம், இடைநிலை பருவம், முதியோர் பருவம் என ஒருவாறு பெயரிடலாம். எல்லாப் பருவ நிலைகளிலும் பொதுவாக இதையே ஆண்கள், பெண்கள் என இரு பாலர்களுக்கும் ஒவ்வொரு பருவகால கட்டங்களிலும் அந்தந்த பருவ நிலைக் கேற்ப உடல் மற்றும் மன நிலைகளில் மாறுதல்கள் தோன்றக்கூடும், நலமான வாழ்க்கை என்பது பொதுவாகவே நலமான உடல், நலமான மனம் என்ற இரண்டையும் உள்ளடக்கியதுதான். ஒன்றுக்கொன்று தொடர்புடையதும் கூட, நலவாழ்விற்கு உடல், மனம் என்ற தனிமனித பக்கமும் சமூகம் என்ற மூன்றாம் பக்கமும் உண்டு. இந்த மூன்று பக்கங்கள் அல்லது முப்பரிமானங்கள் ஒன்றொடு ஒன்று தொடர்புடைய காரணத்தினால் ஒன்றின் குறை ஒன்றை பாதிக்கவே செய்யும். உடல் குறை மனதைப் பாதிக்கும், பாதிக்கப்பட்ட மனநிலை உடல் நலனைப் பாதிக்கும். சமூகச் சூழல் உடல், மனம் இவ்விரண்டையுமே பாதிக்கும் தன்மை உடையது.

இது தாண்டிய ஆன்மீக உணர்வு என்பது உடலையும், மனதையும் பாதிக்க வல்லது. தெளிவாக சொல்லப்போனால் மாற்றவல்லது என்றாலும் கூட இக்கட்டுரையில் ஆன்மீக தொடர்பு பற்றி நாம் பேசப் போவது இல்லை. அதிலும் குறிப்பாக வளர் இளம் பருவத்தில் பெண்களுக்கு ஏற்படக் கூடிய பாலியல் சார்ந்த பிரச்சினைகளை மட்டுமே இங்கு தொட்டுச் செல்லப் போகிறோம். மேலை நாட்டு மருத்துவமான ஆங்கில மருத்துவத்தில் நாம் முன்னர் பேசி ஒருங்கிணைந்த விஷயங்களான உடல் நலம், மனநலம், மூன்றாவதான சமூகநலம் என்ற மூன்றின் ஒருங்கிணைந்த நலப்போக்கு \[integrated health perpective] அவ்வளவாகக் காணப்படுவதில்லை. ஆங்கில மருத்துவத்தில் நல வாழ்க்கை எது என்று கேள்வி கேட்கப்படும் பொழுது அது சிக்கலான கேள்வியாக இருக்கிறது.

மனிதர்களின் நல வாழ்வுக்கு பொறுப்புடைய அரசுகள் பெரும்பாலும் மேலை மருத்து வத்தின் அடிப்படையிலேயே பார்க்கின்றன. அரசு மருத்துவமனைகள் மேலைநாட்டு தத்துவத்தின் அடிப்படையி லேயே அமைந் திருக்கின்ற காரணத்தினால் பெரும் செலவில் மருத்துவ நிலையங்கள் (மருத்துவ கல்வி + மருத்துவமனைகள்) நடத்தப்படுகின்றன. பல பரிசோதனை ஆய்வுகள், கருவிகள் சார்ந்ததாகவே இருக்கிறது. அதனால் குணப்படுத்துதல் என்பது பணத்தின் அடிப்படையில் அமைந்து விடுகிறது. எல்லா மக்களுக்கும் சென்றடையக் கூடிய மருத்துவம் மாற்று மருத்துவம்தான், ஏனெனில் இது ஒரு ஒருங்கிணைந்த நல வாழ்வு கொள்கை அடிப்படையில் அமைந்துள்ளது.

வளர் இளம் பருவத்தில் பாலியல் மாற்றம் மற்றும் பாலியல் உறுப்புகள் வளர்ச்சி காரணமாக ஒரு சுதந்திரப் போக்கினை மனதில் இனம் கண்டு கொள்ள முடியும். இது பெரும்பாலும் உடல் இயல் சார்ந்ததாகவே இருக்கின்றது. இதுவரை பெற்றோர்கள் கூறும் ஆலோசனைகளுக்கு முக்கியத்துவம் கொடுத் து வந்த இந்த வளர் இளம் பருவத்தினர் தம் வயது ஒத்தவர்களின் ஆலோசனைகளுக்கே முக்கியத்துவம் தருவார்கள். இது சுதந்திரமான மனக்போக்கின் முதல் அறிகுறி ஆகும். இந்த கால கட்டங்களில் பெற்றோர்கள் தங்கள் கருத்துக்களை அறிவுரையாக கூறுவதை விடுத்து ஆலோசனைகளாகக் கூறும் போக்கினை கைக் கொள்ள வேண்டும். குழந்தைத்தனமாக வாழ்க்கையில் நோக்கு கின்ற போக்கிலிருந்து இந்த பருவத்தினர்கள் முற்றிலும் விடுபட்டு விட்டார்கள் என்று சொல்ல முடியாது எனவே இவர்களை வயது முதிர்ந்தவர்களாக தங்களை தாங்களே கருதிக் கொள்வார்கள். தங்கள் பாலியல் சார்ந்த பிரச்சனைகளை தங்கள் வயது ஒத்தவர்களிடமே பகிர்ந்து கொள்ளும் காரணத்தினால் அவர்களுடைய தோழமை யார், யாரிடம் இருக்கின்றன என்பதிலும் பெற்றோர்கள் கவனமாக இருக்க வேண்டும். நல்ல பழக்க வழக்கங்களை உடையவர்களோடு பழகுவதற்கு ஊக்கப் படுத்த வேண்டும்.

ரகசியங்களை அறிந்து கொள்ளும் ஆர்வம் இந்த பருவத்தினரிடம் அதிகம் காணப்படும். எதிர் பாலினரிடம் அதிக கவர்ச்சி தோன்றக் கூடிய பருவம் இது. இதில் மிக அதிகமான கண்டிப்பு காட்டு வதன் மூலம் பெற்றோர்கள் தங்களிடமிருந்து வளர் இளம் பருவத்தினரை நெருக்கமான மன உறவு நிலையிலிருந்து தள்ளி வைத்துவிடும் அல்லது கண்டு கொள்ளாத மனநிலை தோன்ற வாய்ப்பு ஏற்பட்டு விடும். [Distanting or indifferent attitude] எதிர் பால் இனக்கவர்ச்சி காரணமாக தங்களை மிகவும் அழகு படுத்திக் கொள்கின்ற ஆர்வம் மிகுதியும் காணப்படும். கண்ணாடியின் முன்பு அதிக நேரம் நின்று தங்களை முன்னும், பின்னும் பார்த்து தங்களாகவே தங்கள் உடலை ரசிக்கும் போக்கும் காணப்படும். இதை மிகப்பெரிய தவறாக எண்ணிவிடக் கூடாது. அழகு சாதனங்கள் மூலம் தங்கள் அழகை மிகைப் படுத்திக் கொள்ள எண்ணுகின்ற இவர்களின் போக்கை வியாபார நோக்கோடு பயன்படுத்து கின்ற விளம்பரங்கள் இன்றைய கால கட்டத்தில் மிக, மிக அதிகம், தொலைக்காட்சி விளம்பரங்கள் இந்த மனப்போக்கை முதலீடாக வைத்துத்தான் கொள்ளை லாபம் சம்பாதிக்கின்றனர் என்று சொன்னால் மிகையாகாது.

அன்பு என்பது ஒரு அற்புதமான உணர்வு அது தீவிரமானதாக ஆகும்பொழுது அதனை காதல் என்றும் சொல்லலாம். இந்த அன்பு அல்லது பாசம் பரிமாற்றத்தின் மூலம் தான் புரிந்து கொள்ளப்படுகிறது. அன்னை குழந்தையிடம் கொள்ளும் அன்பு, ஆசிரியர் கள் மாணவர்களிடம் கொள்ளும் அன்பு, மனிதர்கள் மிருகங்களிடம் கொள்ளும் அன்பு, குடும்பத்தார்க்கு இடையில் ஒருவருக் கொருவரிடம் ஏற்படுகின்ற அன்பு, மனிதர்கள் கடவுளிடம் கொள்ளும் அன்பு என்பதான இறை அன்பு என பல பரிமாணங்கள் உண்டு. என்றாலும் கூட காதல் என்றவுடன் ஒரு ஆணுக்கும் ஒரு பெண்ணுக்கும் இடையில் ஏற்படுகின்ற அன்பு என்பதாக மட்டுமே பல சமயங்களில் தவறாகப் புரிந்து கொள்ளப்படுவ துண்டு. வளர் இளம் பருவத்தினிரான ஆண் பெண் இடையே தோன்றும் இனக்கவர்ச்சி கூட பல சமயங்களில் தீவிரமான அன்பாக புரிந்து கொள்ளப்படுவதுண்டு. இவர்களுக் கிடையே ஏற்படக்கூடிய அன்பு பரிமாற்றம் உடலியல், பாலியல் ரீதியாக மாறி உடலுறவு கொள்ளுதல் என்னும் நிலையாக உருப்பெருமேயானால் அந்த அன்புறவு திருமணம் எனும் உறவாக முழுமை பெறாமல் முறிந்து விடும் போது அது பெருமளவில் பெண்களைத்தான் பாதிக்கும் என்பதனை நாம் மறந்து விடக் கூடாது.

அதிலும் ஆணாதிக்க சமூக அடிப்படையில் அமைந்துள்ள நம் இந்திய கலாச்சாரத்தில் இது போன்ற பாதிப்புக்குள்ளான ஆண்களை விட பெண்களுக்கு திருமண வாய்ப்பு என்பது மிகவும் அரிதாகி விடுவதாகவோ அல்லது திருமண வாழ்வுக்குப் பின் நிம்மதியற்ற வாழ்க்கையாக அமைந்துவிடவோ கூடும்.

எனவே வளர் இளம் பெண்கள் பூப்பு எய்தும் முன்னரே இது பற்றிய புரிதலை பக்குவமாக கற்றுத்தர வேண்டியது பெரியவர்களான எல்லாருடைய கடமையும், குறிப்பாக பெற்றோரின் கடமையும் ஆகும். இது படிக்கின்ற குழந்தைகள் மற்றும் பணி செய்யும் குழந்தைகள் எல்லோர்க்கும் பொருந்தக் கூடியது ஒன்றுதான், என்றாலும் பணி செய் யும் குழந்தைகளை விட பள்ளிக் குழந்தை களிடம் இந்த காதல் வயப்படும் மனநிலை தோன்றும் போது படிப்பில் கவனம் சிதறுதல் காரணமாக தொடர்கல்வி கடுமையாக பாதிக்கப்படும்.

நம்மவர்களிடையே மனநல ஆலோசனைக்காக நிபுணர்களை கலந்து ஆலோசிக்கும் பழக்கம் மிகவும் குறைவு. அடிப்படை நிலையிலேயே இனம் கண்டு கொண்டால் மனச்சிதைவு ஏற்படும் நிலைக்கு தள்ளப்படாமல் தப்பிக்கலாம். ஆங்கில மருத்துவத்தைவிட ஹோமியோ மற்றும் மலர் மருத்துவங்களில் நல்ல குணம் பெற வாய்ப்புகள் உண்டு என்பதோடு மிகக்குறைந்த செலவிலேயே பூரண மிக்க நலம் பெறலாம்.

மனஅழுத்தத்தை குறைக்க சில வழிகள்

2010-04-22T07:27:00.000-07:00

வாழ்க்கையில் பிரிக்கமுடியாத ஓர் அம்சம்தான் மனஅழுத்தம். மனஅழுத் தத்தை வெற்றிகரமாகச் சந்திப்பது எப்படி என்ற ரகசியத்தைத் தெரிந்து வைத் திருப்பவர்களே நல்ல உடல் ஆரோக்கியத்துடன் இருக்க முடியும். மனஅழுத்தத் தைக் குறைக்க சில எளிய வழிகள் இருக்கின்றன. அவை உளவியல் ரீதியானவை. காலம்காலமாக நிரூபிக்கப் பட்டு வந்திருக்கும் உண்மைகள். எதிர் காலத்தை நம்பிக்கையுடன் வரவேற்கும் எண்ணங் களை வளர்த்துக் கொள்வது, விரக்தியை அண்டவிடாமல் தடுப்பது, பகுத்தறிவுக் குப் பொருந்திவரும் சில யுக்திகளைக் கடைப்பிடித்து மனதை உற் சாக நிலை யில் வைத்திருப்பது போன்ற வழிகளே அவை.

எண்ணங்களுக்கும் செயல்களுக்கும் பயிற்சியளித்து நம் மீது முழுக்கட்டுப்பாட்டைக் கொண்டுவர வேண்டும் என்பதுதான் மனஅழுத்த மேலாண்மையின் நோக்கம். நேர்மறையான மனப்பாங்கு, விடா முயற்சி, தன்னம்பிக்கை ஆகிய மூன்றும் மன அழுத்தத்தை வெற்றிகொள்வதற் கான முன்தேவைகள். அது மட்டுமின்றி ஒரு சமூக ஆதரவு தளம், பொருத்தமான நடை முறைகளைப் பயன்படுத்தி உடலையும் மனதையும் மகிழ்ச்சியாக வைத்துக் கொள்ளல், உடற்பயிற்சி, சரிவிகித உணவு, உறக்கம், நகைச்சுவையுணர்வு, பொழுது போக்கு விளையாட்டுகள் ஆகிய அனைத் துமே மனஅழுத்தத்திலிருந்து நம்மை விடுவிக்கும் மாமருந்துகள்தாம்.

நேர்மறை மனப்பாங்கு

“தங்களுடைய திறமைகள் மீது நேர் மறை அணுகுமுறைகள் உள்ளவர்கள் எளிதில் விரக்தியடைவதில்லை ; எதிர் காலத்தின் மீது நம்பிக்கையுடன் இருப் பார்கள் ; எதையும் விடாமுயற்சியுடன் தொடர்வார்கள். இப்படிப்பட்டவர்களால் மனஅழுத்தத்தை வெற்றிகொள்ள முடி கிறது. மாறாக, தங்களைப் பற்றிய கீழான மதிப்பீட்டினையும் எதிர்காலம் பற்றிய நம் பிக்கையற்ற எதிர்மறை அணுகுமுறை யையும் கொண்டவர்கள், அவர்களுக்குச் சாதகமான சூழ்நிலைகள் நிலவும்போது கூட, மனச்சோர்வுக்கு ஆளாகிவிடுவார் கள்” என ஆய்வாளர்கள் தெரிவிக்கின்ற னர். நாம் எதை நினைக்கிறோமோ அதா கவே ஆகிவிடுகிறோம் என்று உளவியல் நிபுணர்கள் கூறுவது இதைத்தான்.

சாத்தியமான இலக்குகள்

நடைமுறை சாத்தியமற்ற சில இலக் குகளை நிர்ணயித்துக் கொள்வது தோல் வியில் முடியலாம். தொலைதூர இலக்கு கள் எனில் அவற்றை அடைவது அவ் வளவு எளிதல்ல என்ற புரிதலும் இருக்க வேண்டும். பொதுவாக நமது பலம்-பல வீனங்கள், திறமைகள், நிதி வரவுகள் ஆகியவற்றைச் சரியாக மதிப்பிட்டு, பொருத்தமான இலக்குகளை நிர்ணயித் துக் கொள்வதே சாலச்சிறந்தது. வேலை களைப் படிப்படியாகச் செய்வதற்குத் திட் டமிட வேண்டும். இலக்கை முடிப்பதற் கான அனைத்து விவரங்களையும் சேக ரிக்க வேண்டும். இலக்கை முடிக்க திட்ட மிட்டதைவிடக் கூடுதலான நேரமும் நிதி யும் செலவாகலாம் என்ற கணிப்பும் இருக்க வேண்டும்.

முன்னுரிமைகளை வரிசைப்படுத்திக் கொண்டு அவற்றில் முக்கியமானவை மீது முதலில் கவனம் செலுத்துவது அவ சியம். மேலும் சில வேலைகளை ஏற்க வேண்டி வந்தால், அவற்றை முன்கூட் டியே ஏற்க மறுப்பது புத்திசாலித்தனம். சக்திக்கு மீறி ஏராளமான வேலைகளை இழுத்துப் போட்டுக்கொண்டு எதையுமே முடிக்க முடியாமல் திணறுவது மனஅழுத் தத்தை அதிகரிப்பதற்கான காரணமாகி விடும். எதிர்மறை எண்ணங்கள் தாக்கும் நேரங்களில் நன்கு ஆலோசித்து செயல் திட்டத்தில் சில தேவையான மாற்றங் களைக் கொண்டுவருவது மனஅழுத்தத் தைக் குறைக்க உதவும். கடினமான சூழ் நிலையை எதிர்கொள்ளப் பயந்து அப் படிப்பட்ட சூழ்நிலை எதுவும் இல்லாதது போல் கற்பனை செய்து கொள்வது ஒரு தப்பிக்கும் முயற்சியாக இருக்குமே தவிர, பிரச்சனைக்குத் தீர்வைத் தராது. கூட வேலைசெய்பவர்கள் மீது கோபம் ஏற்பட் டால் அதை அப்படியே அமுக்கிவைப் பதை விட வெளிப்படுத்துவதே நல்லது- ஆனால் கவனமான வார்த்தைகளில். அவர்களுக்கு உங்கள் கருத்து என்ன வென்பதைத் தெரிவிக்கும் விதமாக அந்த வார்த்தைகள் அமைய வேண்டுமே தவிர அவர்களைச் சீண்டிவிடும் நோக் கில் இருக்கலாகாது. சொல்லி முடித்த பிறகு அதை விரைவில் மறந்துவிடுவதும் நீங்கள் அப்படி மறந்துவிட்டீர்கள் என்பது சம்பந்தப்பட்டவர்களுக்கு நன்கு புலப்ப டும் விதத்தில் இருப்பதும் முக்கியம்.

சமூக ஆதரவு தளம்

நாம் அனைவருமே இந்த சமூகத்தின் அங்கங்கள். சமூக மனிதர்கள். நம்மு டைய எண்ணங்களை மனம்விட்டுப் பகிர்ந்துகொள்ளும் விதத்தில் உற்ற நண் பர்கள் சிலரையாவது தேடிக் கொள்வது பாதுகாப்பானது. மற்றவரோடு பகிர்ந்து கொள்ளும்போது மனம் லேசாகிவிடு கிறது. மனஅழுத்தத்திலிருந்து விடுபடு வதற்கு இதுவும் ஒரு மாமருந்து.

(ஆதாரம் : DREAM 2047 இதழில் டாக்டர் யதிஷ் அகர்வால் கட்டுரை)

பிடிக்காத துக்க செய்தியை மனிதர்கள் எதிர்கொள்ளும் ஏழு நிலைகள் - The Kübler-Ross Grief Cycle

2010-02-21T03:43:00.000-08:00

சுவிட்சர்லாந்து நாட்டு மனநல மருத்துவரான எலிஸ்பத் கூபர்-ராஸ் (எலிசபத்து கூபரு ராசு) துக்க நிகழ்வை ஒருவர் எதிர்கொள்ளும் முறையை விளக்கியுள்ளார். முதலில் புற்றுநோய் போன்ற நோய்களால் பாதிக்கப்பட்டவர்களின் மனநிலையை பிரதிபலிப்பதாக இந்த நிலைகள் மருத்துவர் எலிசபத் ராசினால் கூறப்பட்டாலும், எந்த வித துக்க நிகழ்வுகளுக்கும் இது பொருந்தும் என்று சில காலங்களிலேயே கண்டறியப்பட்டது.

எலிசபத் ராஸ் முதலில் கூறியது ஐந்து நிலைகள் தான். (மறுப்பு, கோபம், பேரம், மனச்சோர்வு, ஏற்றுக்கொள்ளுதல்). சோதித்தல் என்பது பின்னர் சேர்க்கப்பட்டது. அதே போல் அதிர்ச்சி என்ற நிலையும் பின்னர் சேர்க்கப்பட்டது தான்

ஆக, ஒரு துக்க நிகழ்வை எதிர்க்கொள்ளும் மனித மனம் கீழ்க்கண்ட எழு நிலைகளை கடந்து வருகிறது

அதிர்ச்சி
மறுப்பு
கோபம்
பேரம்
மனச்சோர்வு
சோதித்து பார்த்தல்
ஏற்றுக்கொள்ளுதல்

இதை சில உதாரணங்களுடன் பார்ப்போம்

உதாரணம் 1 : தேர்வில் தேர்ச்சியடையாத மாணவனின் மனநிலை

(பின்குறிப்பு : ஒரு 3 மணி நேரத்தில் 15 கேள்விகளுக்கு அளிக்கப்படும் விடையை வைத்து “தோல்வி” என்ற அடைமொழியை பயன்படுத்தில் எனக்கு உடன்பாடு கிடையாது)

தேர்வு முடிவு வரும் வரை, அவனது இயல்பான நடவடிக்கைகள் இருந்து கொண்டிருக்கும். நண்பர்களுடன் அரட்டை, கிரிக்கெட், தொலைகாட்சி, என்ற அவனது இயல்பு வாழ்க்கையை நாம் “நிலையான நிலை” என்று அழைப்போம்

(படம் உதவி : குசும்பன் )

இப்பொழுது தேர்வு முடிவுகள் வெளிவந்தவுடன் என்ன நடக்கிறது என்று பார்ப்போம்

அதிர்ச்சி : முடிவை பார்த்தவுடன் அல்லது கேட்டவுடன் அவன் அதிர்ச்சி அடைகிறான். தலையை ஆட்டி சம்மதம் என்றாலும் உள்ளுக்குள் அந்த செய்தியின் தாக்கம் செல்ல சிறிது நேரம் ஆகிறது. சிலருக்கு நாக்கு உலர்ந்து விடும். தொண்டை அடைப்பது போன்ற நிகழ்வுகள் நடப்பதும் உண்டு.
மறுப்பு : “இல்லை. நான் கட்டாயம் தேர்ச்சி பெற்று இருப்பேன்”. “இதில் ஏதோ தவறு”. “இந்த நாளிதழ் தவறாக அச்சிட்டுள்ளது. அடுத்த நாளிதழை வாங்கி பார்ப்போம்”
கோபம் : அனைவர் மேலும் கோபம். விடைத்தாளை திருத்தியவர் மேல் கோபம். அதிகம் 10 நிமிடம் தராத தேர்வரங்க ஆசிரியர் மேல் கோபம். கத்துவது, எதையாவது தூக்கி எறிவது, அடுத்தவர்களிடம் எரிந்து விழுவது என்று சம்பந்தப்பட்ட நபர் அதிகம் “செயல்படுவதால்” இது “செயல்படும் நிலை”
பேரம் : எத்தனை தாள்களில் தேர்வாக வில்லை. ஒரே ஒரு தாள் தானா, பல தாள்களா
மனச்சோர்வு : அறைக்குள் அடைந்து கிடப்பது. ஒழுங்காக சாப்பிடாமல் இருப்பது. யாரிடமும் பேசாமல் இருப்பது என்று வழக்கமான அளவை விட குறைந்த அளவே வேலை செய்வதால் “செயல்படா நிலை”
சோதித்தல் : மதிப்பெண் பட்டியலை சென்று பார்த்தல்
ஏற்றுக்கொள்ளுதல் : அடுத்த தேர்விற்கு தயாராகுதல்

உதாரணம் 2 : தொழிற்சாலையில் விபத்து என்று கேள்விப்படும் தொழிலதிபர்

விபத்து என்று செய்தி வரும் வரை, அவனது இயல்பான நடவடிக்கைகள் இருந்து கொண்டிருக்கும். அலுவலகம் செல்வது, தொழிற்சாலை செல்வது, கூட்டங்கள், கேளிக்கை, கிளப்புக்கு சென்று சீட்டு விளையாடுவது என்ற அவரது இயல்பு வாழ்க்கையை நாம் “நிலையான நிலை” என்று அழைப்போம்

இப்பொழுது தொழிற்சாலையில் விபத்து என்றவுடன் என்ன நடக்கிறது என்று பார்ப்போம்

அதிர்ச்சி : செய்தியை கேட்டவுடன் முதலில் நடப்பது அதிர்ச்சி தான். தலையை ஆட்டி சம்மதம் என்றாலும் உள்ளுக்குள் அந்த செய்தியின் தாக்கம் செல்ல சிறிது நேரம் ஆகிறது. சிலருக்கு நாக்கு உலர்ந்து விடும். தொண்டை அடைப்பது போன்ற நிகழ்வுகள் நடப்பதும் உண்டு. நெஞ்சு வலி வரலாம். முச்சடைக்கலாம். ஏற்கனவே இதய நோயாளி என்றால் மாரடைப்பு கூட வரலாம்.
மறுப்பு : “இல்லை, என் தொழிற்சாலையில் இருக்காது. அங்கு விபத்து நடப்பதற்கு வழியே இல்லையே. வேறு ஏதாவது இடத்தில் இருக்கலாம்”
கோபம் : கத்துவது, எதையாவது தூக்கி எறிவது, அடுத்தவர்களிடம் எரிந்து விழுவது என்று சம்பந்தப்பட்ட நபர் அதிகம் “செயல்படுவதால்” இது “செயல்படும் நிலை”
பேரம் : “எவ்வளவு சேதம்”, “அதில் எவ்வளவு விபத்து காப்பீடு உள்ளது”, “கொஞ்சமாவது தேறுமா”
மனச்சோர்வு : அறைக்குள் அடைந்து கிடப்பது. ஒழுங்காக சாப்பிடாமல் இருப்பது. யாரிடமும் பேசாமல் இருப்பது என்று வழக்கமான அளவை விட குறைந்த அளவே வேலை செய்வதால் “செயல்படா நிலை”
சோதித்தல் : ”விபத்து எப்படி நடந்தது” “யார் தவறு” “இனி இப்படி நடக்காமல் தடுப்பது எப்படி”
ஏற்றுக்கொள்ளுதல் : “எப்படியும் அந்த டிவிசனை இடித்து விட்டு புதிதாக கட்ட வேண்டும் என்று நினைத்தேன்” “இனி செய்துவிட வேண்டியது தான்”

மூன்றாவது உதாரணம் எழுதவில்லை. நீங்களே பொருத்தி பாருங்கள்.

பொருந்தி வருவது தெளிவாக தெரிந்தால் நீங்கள் மூன்றாவது நிலையை தாண்டி நான்காவது, ஐந்தாவது, ஆறாவது அல்லது ஏழாவது நிலையில் உள்ளீர்கள்
கோபப்பட்டால் மூன்றாவது நிலை
அந்த உதாரணம் பொருந்தாது என்று கூறினால் இரண்டாவது நிலை
முதல் நிலையில் இருப்பவர் இந்த இடுகையை வாசிக்கும் வாய்ப்பு குறைவு

கல்வி உளவியலின் தன்மை

2010-02-13T03:02:00.000-08:00

> உளவியல் என்பது மனித நடத்தையை ஆராயும் முறை .

> PSYCHOLOGY என்ற வார்த்தை எந்த மொழியில் இருந்து பெறப்பட்டது கிரேக்கம்.

> PSYCHE என்னும் சொல் உயிரை குறிக்கிறது.

> LOGUS என்பது அறிவியலை குறிக்கும் சொல்.

> சமுதாயத்தின் நடத்தையை விவரிப்பது சமுக உளவியல்.

> ஒருவனது உள்ளத்தில் உள்ளனவற்றை தானே விருப்பு வெறுப்பின்றி ஆராய்ந்து விவரித்து, பகுத்தாய்ந்து வகைப்படுத்தி முடிவுக்கு வருதல் அகநோக்கு முறை எனப்படுகிறது.

> பிறரது நடத்தையை கூர்ந்து கவனித்தல் உற்று நோக்கல் முறை எனப்படும்.

> உற்றுநோக்கல் முறையின் படிநிலைகள் எத்தனை? நான்கு.

கூடுதல் தகவல்:

1.உற்றுநோக்கல்.

2.நடத்தையை பதிவு செய்தல்.

3.ஆய்வு செய்தல்.

4.பொதுமைப்படுத்துதல்.

> பிறரைப் பற்றி அறிய பயன்படுத்தும் முறை - புறநோக்கு முறை.

> ஒரு நிகழ்ச்சியை அது நிகழும் இயற்கையான சூழ்நிலையில் உற்றுநோக்கி ஆராய்தல் கள ஆராய்ச்சி முறை எனப்படும்.

> பரிசோதனை என்பது கட்டுபடுத்தப்பட்ட வகை உற்றுநோக்களில் அடங்கும்.

> உயிரினகளின் நடத்தையை அறிய பயன்படுவது பரிசோதனை முறை.

உலகமயமும் மன அழுத்தமும்

2009-03-07T01:57:00.000-08:00

மனநல மருத்துவ நிபுணர் டி.சீனிவாசன்

இன்றைய உலகமய சூழ்நிலை மக்களின் மன அழுத்தத்தை அதிகரித்து இருக்கிறது. இந்த நூற்றாண்டையே மருத்துவ உலகம் ‘ மன அழுத்த நூற்றாண்டாக’ அறிவித்திருக்கிறது என்று கோவை மனநல மருத்துவ நிபுணர் டாக்டர் சீனிவாசன் கூறினார். கோவைபத்திரிகையாளர் மன்றத்தின் சார்பாக மன அழுத்தமும் - அதை சமாளிப்பதும் என்ற தலைப்பில் சொற்பொழிவு நடைபெற்றது. இதில் சிறப்பு விருந்தினராக மனநல நிபுணர் டாக்டர் சீனிவாசன் கலந்து கொண்டு பேசியதாவது:

இந்த நூற்றாண்டு மன அழுத்த நூற்றாண்டு. இதில் நம்மை நாம் நிலை நிறுத்தி கொள்ள தினம் தோறும் பல விஷயங்களை கற்றுக்கொள்ள வேண்டும். நம்மை சுற்றி நடக்கும் மாற்றங்களுக்கு ஏற்ப அதனை எதிர்கொள்ள நம்மை தயார் படுத்திக் கொள்ள வேண்டும். மனம் என்பது மூளையால் இயங்குவது ஆகும். இதில் செயலாற்றுவது சிந்தனை மற்றும் செயல் ஆகும். சிலர் சிகரெட் குடிப்பதால் மனஅழுத்தம் குறைகிறது என்று கூறுகிறார்கள். ஆனால் அதில் உண்மையில்லை. சிகரெட் குடிக்கும் போது 10 முதல் 20 சதவீதம் மன அழுத்தம் அதிகரிக்கவே செய்கிறது. இது பல ஆய்வுகள் மூலம் நிரூபிக்கப்பட்டுள்ளது. தற்போது நான் தமிழகத்தில் பல துறைகளில் உள்ளவர்களை பார்த்த அளவில் காவல்துறையில் உள்ளவர்கள்தான் மன அழுத்தம் அதிகம் உள்ளவர்களாக இருக்கின்றனர். குறிப்பாக அத்துறையில் வேலை செய்யும் பெண் காவலர்கள். அவர்களுக்கு பணி வழங்கும் போது நீண்ட நேரம் ஓரே இடத்தில் இருக்க வேண்டிய கட்டாயம் ஏற்படுகிறது. அப்போது அவர்கள் தங்களது இயற்கை உபாதையைகூட கழிக்க வழியில்லாமல் கடுமையான மன அழுத்தத்திற்கு உள்ளாவதாக கூறுகிறார்கள். இன்றைய போராட்டம் மனப் போராட்டமாகவே இருக்கிறது. முன்பெல்லாம் உடல் போராட்ட மாக இருந்தது. அதாவது முன்பு இருந்த கால கட்டத்தில் தனது உடல் வலிமையால் மற்றவர்களை சமாளிக்க முடியும் என்ற நிலை இருந்தது. அது இன்றைக்கு மன வலிமையால்

தான் சமாளிக்க முடியும் என்ற நிலை ஏற்பட்டிருக்கிறது. இன்றைக்கு இருக்கும் நவீன வளர்ச்சிகளையும், தொழில் நுட்பங்களையும் பயன்படுத்தி ஒரு பிரச்சனையை எப்படி லாவகமாக தீர்ப்பது என்று யோசிக்க ஆரம்பிக்கிறோம். முன்பு அதற்கான வாய்ப்புகளும் வசதியும் குறைவாகவே இருந்தன.

“காலில் செருப்பு கூட இல்லாத ஏழையாக என்னை படைத்த இறைவனை சபித்துக் கொண்டிருந்தேன். காலே இல்லாதவனை பார்க்கும் வரை” என்று சீன பழமொழி ஒன்று உண்டு. அது போல் இன்றைய கால கட்டத்தில் இருக்கும் வாய்ப்பை உடனே பயன்படுத்திக் கொள்ள வேண்டும். அப்போதுதான் அடுத்த கட்டத்திற்குசெல்ல முடியும்.

டென்ஷன்

ஒரு செயலை விரும்பி செய்தால் டென்ஷன் அங்கு இல்லை. அது திணிக்கப்பட்டது என்று நினைக்கும் போதுதான் டென்ஷன் உருவாகிறது. ஒருவர் பதட்டமாக இருக்கும் போது அவரது தசைகள் இறுக்கமாகிறது. அது ஒரு குறிப்பிட்ட நேரம் நீடித்தால் தசைகள் வலிக்க ஆரம்பிக்கின்றன. அதாவது கழுத்தின் பின்புறம் தசை இறுக்கம் ஏற்படுவதால் தலைவலி உண்டாகிறது. அறிவியல் முறைப்படி பார்க்கும் போது பதட்டமாக இருப்பவரின் உடலில் அட்ரினலின் என்ற ஹார்மோன் சுரக்கிறது. இந்த சுரப்பி அவரை கவனமாக இருக்கவும், பிரச்சனைகளை எதிர்கொள்ள உதவியாகவும் உடலில் பல மாற்றங்களை ஏற்படுத்துகிறது. அப்படி செய்யும் போது உடல் ஒரு சீரான நிலையில் இருந்து மாறுபடுகிறது. அதாவது கவனத்தை அதிகரிப்பதற்கு மூளைக்கும், தெம்பை அதிகரிப்பதற்கு தசைகளுக்கும் இரத்த ஓட்டத்தை அதிகப்படுத்துகிறது. அப்போது வயிற்றுக்கும் குடலுக்கும் இரத்த ஓட்டம் குறைகிறது. இதனால் வயிறு புரட்டுவது போன்ற ஓர் உணர்வு ஏற்படுகிறது. சில நேரங்களில் அடிக்கடி மலம், சிறுநீர் கழிப்பது போன்ற உணர்வு ஏற்படுகிறது. ( இதைத்தான் சினிமாக்களில் ஒருவர் பயப்படும் போது சிறு நீர் கழிப்பது போன்று காட்டுவதும் உண்டு ). இதே போன்று பல்வேறு மாற்றங்கள் நடைபெறுகிறது. அதனால் ஒவ்வொன்றுக்கும் ஒவ்வொரு விளைவு ஏற்படுகிறது.

கோபம்

ஒருவர் தன் மீது தனது கட்டுப்பாட்டை இழக்கும் போது ஏற்படுவதை கோபம் என்கிறோம். கோபம் கொல்லும். அதன் உச்ச கட்டம் உயிரிழப்பையும் ஏற்படுத்தும். எவர் ஒருவர் என்னுடைய கோபம் நியாயம் என கூறும் வரை கோபம் தீராது. பொதுவான கருத்து என்னவென்றால் அந்த கோபம் உங்களுக்கும் மற்றவர்களுக்கும் நன்மை பயக்கும் என்றால் அது சரியானது என்பதே ஆகும். அவசரம் காட்டாமல் நன்கு சிந்தித்து செயலாற்றிட வேண்டும். அதற்கு நேரம் தவறாமை மிக முக்கியமானது ஆகும். அது தவிர நம் செயல்
களை பகுத்து ஆராய்தல் நம் பணிகளை மேம்படுத்த, இலக்கை அடைய உதவும். இயற்கை வெற்றிடத்தை வெறுக்கிறது என்பார்கள்.

அது போல் எந்த குறிக்கோளும், செயல்பாடும் இல்லாமல் ஒருவர் இருந்தால் அவரது மனதில் (நெகட்டிவ் தாட்ஸ் ) எதிர்மறை எண்ணங்களை உருவாக்கும். இன்றைய பொருளாதார மாற்றங்கள் எல்லோரையும் மன அழுத்தத்திற்கு கொண்டு சென்றுள்ளது. அதனை எதிர்கொள்ள சரியான பயிற்சி இல்லை.

பலர் மன நலம் பாதிக்கப்பட்டிருக்கின்றனர். கடந்த 6 மாதங்களில் மன அழுத்தத்தை போக்கும் புத்தகங்களின் விற்பனை பன்மடங்கு அதிகரித்

திருக்கிறது என்று ஆய்வுகள் தெரிவிக்கின்றன. மனநல மருத்துவர்களிடம் செல்ல வேண்டிய பெரும்பாலானோர் இன்று சாமியார்களை நோக்கி சென்று கொண்டிருக்கின்றனர்.

டிவி பார்க்கும் தகராறில் தாய் மகள் தற்கொலை.

2008-12-15T03:32:00.000-08:00

கல்லூரி மாணவி தொலைக்காட்சி பார்த்து கொண்டுயிருந்தால் தாய் ஏண் இப்படி எந்த நேரமும் டிவி பார்த்துக்கொண்டுயிருக்கிறாய் என்று கேட்க வாக்கு வாதம் வளர கல்லூரிமாணவி உடனே தன்னுடைய அறையின் கதவை தால்இட்டு தற்கொலை செய்துகொண்டால் . உடனே தாய்யும் தற்கொலை செய்துகொண்டார்.

இந்த சமூகம் கட்டமைக்கும் எல்லாவித மனப்பான்மையும் அப்பட்டமான அம்மனமான சீர்அழிவு நுகர்வு காலச்சாரத்தின் இலாப நோக்கமே இதுபோன்ற சம்பங்கள் நாட்டில் அதிகம் நடப்பதற்கு காரணம் என்றாலும் நாம் போய் கொண்டுயிருக்கிற பாதை சரியானதா ?

பிரச்சனை வடிவத்ததை கூட சரியாக புரிந்துகொள்ள முடியாத நிலையில் இருப்பதாகவே கருதவேண்டி இருக்கிறது. தன்னுடைய கருத்துக்கு முக்கியத்துவம் இல்லா நிலை தன்னை மதிக்காத தாய் என்ற காரணத்திற்காக மகளும் . நான் விசிய வார்த்தைகள் 21 வருடம் வளர்த்த மகளின் உயிரை பரித்துவிட்டதே என்று தாய்யும் தற்கொலை செய்துகொண்டது யாதார்தமான நிகழ்வு அல்ல.

மனநோய் அறிகுறிகள்.

2008-09-14T23:52:00.000-07:00

பொதுவாக பாதுகாப்பின்மையும், பயமும் சேர்ந்துதான் மனநோய்யை உன்டாக்குகிறது.

மனநோய்யின் அறிகுறிகள்

மனச்சோர்வு,

அர்த்தமற்ற புரியாத பயங்கள்,

தாழ்வு மனப்பான்மை,

குற்ற உணர்ச்சிகள்,

தற்கொலை எண்ணங்கள்,

தன்னம்பிக்கையின்மை,

வாழ்க்கையில் பிடிப்பின்மை,

பதட்டமான மனநிலை,

பிரம்மைகள்,

காதில் கேட்கும் மாயக்குரல்கள் அதன் மிரட்டல்கள்,

இல்லாத உருவங்கள்,

அருவருப்புக் காட்சிகள் கண்முன் தெரிதல்,

வேலை, கல்வியில் ஈடுபாடின்மை.

மேலும் obsessive compulsive disorder அதாவது ஒரே எண்ணம் திரும்பத் திரும்ப வந்துபோதல், ஒரே காரியத்தை திரும்பத் திரும்பச் செய்தல், இந்த எண்ணம் தவறு என்று அவர்களுக்குத் தெரியும். ஆனால், அதை கட்டுப்படுத்த முடியாது, இதனால அடிக்கடி கைகழுவுதல், குளித்தல் என்று தன்னை சுத்தமாக்கிக் கொள்வதாக நினைத்துக் கொள்வார்கள். தோன்றும் மனநோய் அறிகுறிகள்.

அதேபோல் செக்சுவல் பிரச்சினைகள் இருக்கும். அதாவது

Self-sex,

Homo-sex

இதெல்லாம் இருக்கும். கணவன்-மனைவியிடையே பரஸ்பர சந்தேகம், ஞாபக மறதி பிறகு இதில் முக்கியமான ஒன்று சேடிசம் எனப்படும் பிறரைத் துன்புறுத்தி இன்பம் காணுதல். பிறகு Day-dreaming என்கிற பகல் கனவு, பிறகு சிலருக்கு எதைப் பார்த்தாலும் ஏற்படும் பயம், ஹிஸ்டீரியா இதுபோன்ற மனத் தொடர்பான உடல் நோய்கள் ஏராளமாக உள்ளன. உதாரணமாக

திக்குவாய்,

ஃபிட்ஸ்,

நரம்புத் தளர்ச்சி,

வயிறு, ஜீரணக் கோளாறுகள்,

மைக்ரேன் என்ற ஒற்றைத் தலைவலி,

ரத்த அழுத்தம்

அதேபோல் டயாபடீஸ் உடல்நோய் அல்ல மனத்தில் அதிக பிரச்சினைகள் தோன்றும்போது தான் டயாபடீஸ் தோன்றுகிறது.

தலைவலி

2008-09-02T01:27:00.000-07:00

உலகில் அதிகமாக மக்களை தாக்கும் நோய் தலைவலியேயாகும். ஒவ்வொரு மனிதரும், தலைவலியால் பாதிக்கப்பட்டவராகவே இருப்பர். ஒரு சிலருக்கு தலைவலி அடிக்கடி வரும், ஒரு சிலருக்கு எப்பொழுதாவது வரும். ஒரு சிலருக்கு காலையில் வரும். ஒரு சிலருக்கு மாலையில் வரும். ஒரு சிலருக்கு ஒற்றை மண்டையில் வரும். ஒரு சிலருக்கு இருபுறமும் வரும். ஒரு சிலருக்கு முன் பகுதி தலையில் வரும். ஒரு சிலருக்கு பின் மண்டையில் வரும். ஒரு சிலருக்கு தூக்கம் கெட்டால் வரும். ஒரு சிலருக்கு தூக்கத்தி-லிருந்து திடீரென விழிக்க நேர்ந்தால் வரும். ஒரு சிலருக்கு வெயிலில் இருந்தால் வரும். ஒரு சிலருக்கு பனியில் நடந்தால் வரும். ஒரு சிலருக்கு மன உளைச்சலால் வரும். ஒரு சிலருக்கு நோயின் வெளிப்பாடாக வரும். ஒரு சிலருக்கு எந்தக் காரணமும் இல்லாமலே வரும். ஒரு சிலருக்கோ எப்ப வரும்? எப்படி வரும் என்று தெரியாது. ஆனால் அடிக்கடி வரும். வந்தால் மிகுந்த தொல்லையையும் சங்கடத்தையும் உண்டாக்கும் இயல்புடைய நோய் இது. அதனால் சாதாரணமாக சங்கடம் உண்டாக்கும் நபர்களைப் பார்த்து, இந்த ஆளோடு பெரிய தலைவலியா போச்சு என்று பல நேரங்களில் பலர் சொல்லக் கேட்டிருக்-கிறோம். தலைவலியின் கல்யாண குணங்களை நோக்குவோம்.

நோய்க் காரணம்: தலைவலி கீழ்கண்ட ஏதாவது ஒரு நோயின் வெளிப்பாடாக வரலாம்.

1. இரத்தத்தில் சர்க்கரை அளவு குறைதல் (Hypoglyceamia): உண்ணும் உணவில் சர்க்கரை அளவு குறைந்தால் இரத்தத்தில் சர்க்கரை அளவு குறையும். அதனால் மூளைக்கு செல்லும் இரத்தத்திலும் சர்க்கரை அளவு குறையும். இதனால் மூளையின் செயல்பாடுகள் குறையும். அப்பொழுது அதிக அளவு இரத்தம் மூளைக்கு செல்லும் நிலை ஏற்படும். அதன் காரணமாக மண்டையின் உள்புற இரத்தக் குழாய்கள் விரிவடையும். அதனால் தலைவலி உண்டாகும்.
2. அதிக இரத்த அழுத்தம் (Hypertension): இதிலும் இரத்த அழுத்தத்தை குறைக்கும் விதமாக இரத்தக் குழாய்கள் விரிவடையும். இரத்த அழுத்தம் குறைக்கும் மாத்திரைகளும் இரத்தக் குழாய்-களை விரிவடைய செய்யும். அதனால் உள்மண்டை இரத்தக் குழாய்களும் விரிந்து தலைவலி ஏற்படும்.
3. இரத்தக் குழாய் நோய்கள (Vascular Disease): நீரிழிவு நோய், மிகு இரத்த அழுத்தம் போன்றவற்றில் இரத்தக் குழாயில் உப்பு, சர்க்கரை படிவங்கள் படிவதால் இரத்தக் குழாய், சுருங்கி விரியும் தன்மையை இழக்கிறது. அதனால் தலைவலி வரலாம்.
4. மன அழுத்தம் (Mental Tension): மன அழுத்த நோயிலும் மிகு இரத்த அழுத்தம் ஏற்பட்டு அதன்பின் விளைவாக தலைவலி வரலாம்.
5. உள்மண்டை இரத்தக்கட்டு (Oedeama - Intra Cranial): தலையில் அடிபடுவதால் உள்மண்டையில் இரத்தம் கட்டி, அது மூளையின் பகுதிகளை அழுத்துவ-தால் தலைவலி வரலாம்.
6. மூளைக் கட்டிகள் (Intra Cranial Tumous): மூளையில் உண்டாகும் கட்டிகள் மூளையையும், சுற்றியுள்ள இரத்தக் குழாய்களையும் அழுத்தும் தன்மை உடைய-தால் தலைவலி உண்டாகும்.
7. கண்பார்வைக் கோளாறுகள் (Refractive Errors): பெரும்-பாலோருக்கு தலைவலி ஏற்படும் முக்கிய காரணம் பார்வை கோளாறுகளேயாகும். பார்வைக் கோளாறு உள்ளவர்கள் கண்களை அதிக அளவு பயன்படுத்தும் நிலை ஏற்படும். இது தலைவலியை அதிக அளவு உண்டாக்கும். பார்வை நரம்புகள் மய்யம், மூளையின் பின்புறம் உள்ளதால், பார்வைக் கோளாறு உள்ளவர்களுக்கும் தலைவலி பெரும்பாலும் பின் மண்டையில் ஏற்படும் வாய்ப்பு அதிகம்.
8. முகக் காற்றறை அழற்சி (Sinusitis) : சளி ஏற்படும் பொழுது காற்றறை அழற்சி ஏற்படும். சிலருக்கு தூசுகளால் அழற்சி ஏற்படும். இதில் மிகவும் அதிகமாக மேல்தாடை காற்றறை பாதிக்கப்-படும். இதனாலும் தலைவலி உண்டாகும். இது பெரும்பாலும் நெற்றி, பக்கவாட்டில் தலை-வலியை உண்டாக்கும். காற்றறைத் தலைவலி என்றே இதை கூறுவர்.
9. பல்நோய்கள் (Dental Diseases): சரியாக முளைக்காத மூன்றாம் கடைவாய் பல் தலையின் பக்க-வாட்டில் உள்ள சதைப் பகுதிகளில் அழுத்தம் ஏற்படுத்தும். இதனால் பக்கவாட்டில் தலைவலி ஏற்படும்.
10. ஒற்றைத் தலைவலி (Migrane): மிகவும் கடுமையான வலியான இது பெரும்பாலும் மன உளைச்சல் காரணமாகவே ஏற்படும். சிலருக்கு தலைமுறை வியாதியாக வரலாம். கழுத்திலும், தலைக்குச் செல்லும் இரத்த குழாய்கள் மன அழுத்தத்தால் விரிவடையும் இதனால் வலி ஏற்படும்.

மருத்துவர்கள் தலைவலியை வேறு வகையாக வகைப்படுத்துகின்றனர்.

1. இரத்தக் குழாய் தலைவலி (Vascular Headache)

2. உள்மண்டை மிகு அழுத்தத் தலைவலி (Increased Intra Cranial Tension)

3. மூளை உறை அழற்சி, மூளை அழற்சி (Inflamation)

4. தசைச் சுருக்கம் (Muscle Spasm)

5. பிற இடங்களில் இருந்து பரவும் தலைவலி (Referred Headache)

என மருத்துவரகள் தலைவலியை பாகுபடுத்தினாலும், தலைவலி நாம் ஏற்கனவே சொன்ன 10 காரணங்களில் ஒன்றால்தான் வரும். அவை மருத்துவர்களில் பாகுபாடுகளில் உள்ளடங்கியதாக இருக்கும்.
மேற்கூறிய காரணங்களால் மண்டையின் உள்புறம் உள்ள இரத்தக் குழாய்கள் விரிவடைகின்றன. எலும்பின் கட்டித் தன்மையால் ஓரளவிற்கு மேல் விரிவடைய முடியாததால் தலைவலி ஏற்படுகிறது. ப்ளுகாய்ச்சல், மூளை அழற்சி, மூளை உறை அழற்சி ஆகியவற்றில் மண்டையின் இரத்தக் குழாய் விரிந்து தலைவலி ஏற்படுத்தும். மலைப் பகுதிகளின் உயரம், பசி, இரத்தச் சோகை, மிகு இரத்த அழுத்தம் போன்றவையும் உள் மண்டை இரத்தக் குழாயில் விரிவை உண்டாக்கி தலைவலி ஏற்படுத்தும்.

மருத்துவம்: தலைவலி பெரும்பாலும் ஒரு நேரடியான நோய் இல்லை. எனவே தலைவலி என்றாவது ஒரு நாள் வந்தால் அதைப் பற்றி கவலைப்பட வேண்டியதில்லை. ஆனால் அதுவே ஒரு தினசரி தொல்லையாகும் பொழுது, கட்டாயம் வேறு நோய்கள் ஏதேனும் இருக்கும். பல நேரங்களில் தொடர்ச்சியான தலைவலிக்கு சோதிக்கும் பொழுது, வேறு சில நோய்கள் இருப்பது தெரியவரும். அதனால் தலைவலிதானே என்று அலட்சியப் படுத்தாமல், சரியான சோதனைகளை செய்து கொள்ள வேண்டியது மிகவும் அவசியமானது. தலை வலிக்கும் பொழுது வலி மாத்திரைகள் சாப்பிட்டுவிட்டு, பேசாமல் இருப்பவர்களே அதிகம். இது தவறான பழக்கம். தலைவலி அடிக்கடி வந்தால் அதன் அடிப்படை மூலகாரணம் என்னவென்று ஆய்ந்து, அதற்கான மருத்துவம் செய்து கொண்டாலே தலைவலி தானே சரியாகி விடும். எடுத்துக்காட்டாக பார்வைக் கோளாறால் வரும் தலைவலி, பார்வைக் கோளாறை சரி செய்வதால் சரியாகிவிடும்.
அதேபோல் ஒற்றைத் தலைவலி சரியான மருத்துவ ஆலோசனைப்படி மருந்துகள் சாப்பிடுவதன் மூலம் கட்டுப்படுத்தலாம்.
சரியான ஆய்வுகளும், சரியான மருத்துவமும் செய்து கொண்டால், தலைவலி நமக்கு ஒரு பெரிய தலைவலியாக மாறாமல் குணமடையும் என்பது நிச்சயம்

மனஅழுத்தத்தைப் போக்க வழி என்ன?

2008-08-23T02:42:00.000-07:00

21ம் நூற்றான்டின் முக்கிய நோய்யாக மனஅழுத்தம் இருக்கும் என பல ஆய்வுகள் கூறுகின்றன. இப்போது எல்லாம் ரத்தக்கொதிப்பு, சர்க்கரை நோய்க்கு அடுத்தப்படியாக மனஅழுத்த நோய்களுக்கு என டாக்டர்களிடம் செல்பவர்களின் எண்னிக்கை அதிகமாகும்.
மன அழுத்தம் மிகவும் கொடுமையானது இயல்பான வாழ்க்கையைப் பறித்து நிம்மதியற்ற பொழுதுகளையும், நோய்களையும் தந்து செல்லும் இந்த மன அழுத்தம். குறிப்பா இன்று 5 முதல் 20 வயதில் உள்ளவர்கள் அதிக மனஅழுத்தத்தில் அவதிப்படுகின்றனர்.

உலகில் உள்ளமக்கள் தொகையில் 69% பேர் மனஅழுத்தத்தால் பாதிக்கப்பட்டுள்ளனர்.
76% பேர் போதுமான உறக்கம் இல்லாமல் உள்ளனர்.
77% பேர் குடும்ப உறவுகளினால் மனஅழுத்திற்கும், மனோபயத்திற்கும் ஆளாகியுள்ளனர் .
50% பேர்களுக்கு புதிய பொருள்களை நுகரமுடியவில்லை என்பதே பெரிய கவலையாக உள்ளது .
55% பேர்களுக்கு குறைந்த நன்பர்களே உள்ளனர்.
58% பேர்கள் தலைவலியால் அவதிபடுகின்றனர்.
70% பேர் உடனே கோவப்படுபவர்களாக உள்ளனர்.
அதிகமான மனஅழுத்தம் ஓரு நபரின் உயிரியல் வயதை 30 வருடங்கள் கூட்டுகிறது என்றும், சமிபத்திய ஆய்வு கூறுகிறது.

அதுமட்டுமல்லாது மனஅழுத்தம் அதிகமாகி தற்கொலை நிகழ்வுகளும் அதிகரிக்கும் அளவுக்கு இந்நோய் பாதிப்பை ஏற்படுத்திவிடுகிறது.கடந்த 2004 - 2008 மட்டும் 16000 மாணவர்கள் தற்கொலை செய்துகொண்டுள்ளனர்.அதேபோல் 2006ல் மட்டும் 5857 மாணவர்கள் தேர்வு பயத்தால் மட்டும் தற்கொலை செய்துகொண்டுள்ளனர் என்பதையும் கவனத்தில் கொள்ளவேண்டிய நிலையில் இருக்கிறோம்.

மனஅழுத்தம் எதனால் ஏற்படுகிறது?

அழுத்தம் இருவகையில் வரலாம். ஒன்று நம்மைச் சூழ்ந்த சமூகத்தின்செயல்பாடுகளால் நமக்குள் வருவது. இன்னொன்று நம்முடைய வாழ்க்கைமுறை, சிந்தனைகளினால் வருவது.

ஏமாற்றம், பயம், நிராகரிப்பு, எரிச்சல், அதிக வேலை, அதிக சிரத்தை, குழப்பம் இவையெல்லாம் மன அழுத்தத்தைத் தோற்றுவிக்கும் சில காரணிகள். சிலருக்கு அதிக வெளிச்சம், அதிக சத்தம் போன்ற காரணங்களாலும் மனஅழுத்தம் உண்டாகிறது.

பிறப்பு, இறப்பு, போர்கள், திருமணங்கள், விவாக ரத்துகள், நோய்கள், பதவி இழப்பு, பெயர் இழத்தல், கடன், வறுமை, தேர்வு, போக்குவரத்து நெரிசல், வேலை அழுத்தம், கோபம், நட்பு முறிவு, உறவு விரிசல், என நம்மைச் சுற்றி நிகழும் எல்லா விதமான காரணிகளும் மன அழுத்தத்திற்குள் நம்மை இட்டுச் செல்ல முடியும்.

தவறான பழக்கங்களின் மூலம் உண்டாகும் மனஅழுத்தம்?

புகை பிடித்தல், சரியான உணவுப் பழக்கம் இல்லாமை, போதை மருத்து பழக்கம், குடிப்பழக்கம், சரியான தூக்கம் இல்லாமை இவையெல்லாம் மன அழுத்தத்தை நாம் விலை கொடுத்து வாங்கும் செயல்கள். புகை பிடிக்கும்போது உடலில் கலக்கும் நிக்கோட்டினுக்கு மன அழுத்தத்தை அதிகரிக்கும் சக்தி இருப்பதாக ஆராய்ச்சிகள் நிரூபித்திருக்கின்றன.

மனஅழுத்தால் உண்டாகும் நோய்கள்என்ன?

மன அழுத்தம் பல நோய்களைக் கொண்டு வரும். குறிப்பாக மைகிரேன்எனப்படும் ஒற்றைத் தலைவலி, ஸ்ட்ரோக், எஸீமா உட்பட பல நோய்களைமன அழுத்தம் கொண்டு வருகிறது.

தலைவலி, அஜீரணக் குறைபாடுகள், தூக்கமின்மை, தசைப்பிடிப்பு, உடல் வலி, நெஞ்சு வலி, சீரற்ற இதயத் துடிப்பு, உயர் இரத்த அழுத்தம், உடல் எடைஅதிகரித்தல், குறைதல், ஆஸ்த்மா, மூச்சுத் திணறல், தோல் நோய்கள், தாம்பத்தியக் குறைபாடுகள், புற்று நோய், அல்சர், சர்க்கரை நோய்,

குழந்தைகளிடம் மன அழுத்தம் அற்ற நிலையை உருவாக்க

குழந்தைகளுக்கு மன அழுத்தம் அதிகரித்து வருவதாக ஒரு ஆய்வு கூறுகிறது.

பெற்றோருக்குள் ஏற்படும் சண்டை, கவனிப்பின்மை போன்ற காரணங்களால், குழந்தைகள் அதிகம் பாதிக்கப்படுகின்றன. அன்புக்கு ஏங்குகின்றன. இதுவே, மன அழுத்தத்தை ஏற்படுத்தி விடுகிறது. துõக்கமின்மை, உணவில்ஆர்வமின்மை, சோம்பல் போன்றவை ஏற்பட்டால், உடனே குழந்தைகளைடாக்டரிடம் காட்ட வேண்டும்.தாழ்வு மனப்பான் மைக்கு, சிகிச்சை அளிக்கவேண்டும். நாளடைவில் இது குறைந்து விடுகிறது. ஏழு வயதில் இருந்து பத்துவயதுக்கு உட்பட்ட குழந்தைகள் இதில் அதிகம் பாதிக்கப்படுவதாக டில்லியில்நடந்த ஓர் ஆய்வில் தகவல் வெளியாகியுள்ளது

தினமும் குழந்தைகளுடன் உரையாடுங்கள். அவர்களுடைய தினம் எப்படிசெலவழிந்தது. என்னென்ன செயல்கள் நடந்தன என்றெல்லாம்உரையாடுங்கள். அழுத்தமான சூழல் இருப்பது போல உணர்ந்தால் அதிலிருந்துஎப்படி விடுபடுவது என்பதை அவர்களுக்குச் சொல்லுங்கள்.

உங்கள் பிரச்சனைகளை குழந்தைகள் மேல் எக்காரணம் கொண்டும்திணிக்காதீர்கள். அவர்களுக்கு குடும்பத்தின் தேவை மற்றும் அமைதியானவாழ்க்கையின் அவசியத்தை வலியுறுத்துங்கள்.

குழந்தைகள் எதையாவது செய்யும் போது மனம் விட்டுப் பாராட்டுங்கள். அவர்களை அரவணைத்துச் செல்ல மறக்காதீர்கள். அவர்கள் இசை, பெயிண்டிங், நடனம் போன்றவற்றில் ஈடுபட தூண்டுங்கள்.

நகைச்சுவை உணர்வுள்ள குழந்தையாக உங்கள் குழந்தையை வளர்க்கமுயலுங்கள். அது இறுக்கமான சூழல்களை குழந்தைகள் சமாளிக்கபிற்காலத்தில் பயன்படும்.

குழந்தைகள் எப்போதும் எதிலும் முதன்மையாக வரவேண்டும் எனஎதிர்பார்க்காதீர்கள். அது தேவையற்ற அழுத்தத்தை உருவாக்கி விடும். எல்லோரும் முதலாவதாக வருவது நடப்பதில்லையே. விடுமுறைகள், மாலை வேளைகளை சற்று இலகுவாகவே வைத்திருங்கள். அதிகப்படியானகல்வியும் மன அழுத்தத்தை நல்கும் என்பதை மறவாதீர்கள். தோல்வியும்வெற்றியும் சகஜம் என்னும் மனநிலையைக் கொண்டிருங்கள் அல்லதுஎதிர்காலத்தில் குழந்தை தோல்விகளைச் சந்திக்கும் போது உடைந்து போகும்வாய்ப்பு உண்டு.

உங்கள் குழந்தைக்கு நீங்கள் ஒரு நல்ல முன்மாதிரியாக இருங்கள். குடித்துவிட்டு வீட்டுக்கு வரும் தந்தை குழந்தை குடிக்கக் கூடாது எனஅறிவுரை சொல்வது பாதிப்பை ஏற்படுத்தாது. குழந்தைகளுடன் நேரம்செலவிடுவதும், அவர்கள் பதின் வயது எட்டுகையில் நல்ல நண்பர்கள், உறவினர்களுடன் ஆரோக்கியமான நட்பு வைத்துக்கொள்ள தூண்டுவதும், உடற்பயிற்சிகள் செய்யத் தூண்டுவதும் மன அழுத்தத்தைக் குறைக்கும்.

மனஅழுத்தத்தைப் போக்க வழி என்ன?

மன அழுத்தத்தைக் கையாள்வதற்கு நம்முடைய மனதின் சிந்தனைகளைதூய்மைப்படுத்த வேண்டும். எதிர்மறைச் சிந்தனைகள் பெரும்பாலும் மனஅழுத்தத்தையே அளிக்கின்றன. எனவே நல்ல சிந்தனைகளை வளர்த்துக்கொள்வதன் மூலம் மன அழுத்தத்தைக் கையாள முடியும்.

அமைதியான குடும்பச் சூழல் பெரும்பாலான மன அழுத்தத்தைக்குறைக்கிறது. அலுவலகத்தின் குழப்பங்களையோ, எரிச்சல்களையோகுவிக்கும் இடமாக குடும்பம் இருக்கக் கூடாது, மாறாக அவற்றை அழிக்கும்இடமாகவே குடும்பம் இருக்க வேண்டும் என்பதனை குடும்பத்தினர் புரிந்துகொள்ளவேண்டும். குடும்பத்தில் நுழைந்தவுடன் மனம் மகிழ்ச்சியடையும்வகையில் குடும்பத்தினரோடு அன்பான வாழ்க்கை வாழ்தல் மிகவும்முக்கியம்.

எத்தனை இறுக்கமான சூழலாக இருந்தாலும் சிரிக்கக் கற்றுக் கொண்டால்பிரச்சனைகள் பல காணாமல் போய்விடும். நல்ல நகைச்சுவைஉரையாடல்களை வளர்த்துக் கொள்ளுங்கள். இது இரத்த அழுத்தத்தைக்கட்டுக்குள் வைக்கும். தசைகளை இறுக்கமற்ற நிலைக்கு கொண்டு செல்லும். நுரையீரலுக்கு சுத்தமான காற்றை கொண்டு செல்லும் எனவே மனஅழுத்தத்தைக் குறைக்க சிரியுங்கள் என்கிறார் மனோ தத்துவ நிபுணர் லீபெர்க்.

குடும்பங்களில் பிரச்சனைகள் வருவது சகஜம். கணவன் மனைவியரிடையேபிரச்சனை வரும்போது ‘உன்னால் தான் வந்தது’ என்று பழியை மாறி மாறிசுமத்தாமல் ‘நமக்கு பிரச்சனை இருக்கிறது’ எப்படி தீர்வு காண்பது எனும்கண்ணோட்டத்தில் பேச வேண்டும் என்கிறான் பிரபல அமெரிக்கஉளவியலாளர் வில்லார்ட் எஃப் ஹார்லே.

மன அழுத்தத்தைக் குறைக்க சில வழிகள்.

* காலையில் பதினைந்து நிமிடங்கள் முன்னதாகவே எழுந்து விடுங்கள்.

* எங்கேயாவது செல்ல வேண்டியிருந்தால் அதற்குரிய ஆடைகள், பொருட்களை முன்கூட்டியே எடுத்து வைத்துக் கொள்ளுங்கள்.

* ஒரு காகிதத்தில் அன்றைய தினம் செய்ய வேண்டிய பணிகளையும், எப்போது செய்யப் போகிறோம் என்பதையும் குறித்து வையுங்கள்.

* காத்திருபது சிரமம் என்று கருதாதீர்கள். ஒரு புத்தகத்தை கையில்வைத்திருப்பது காத்திருத்தலை சுகமாக்கும். தேவையற்ற மன அழுத்தத்தைக்குறைக்கும்.

* வேலைகளைத் தள்ளி வைப்பது மன அழுத்தத்தை அதிகரிக்கும். செய்யவேண்டியதை தாமதப் படுத்தாமல் செய்யுங்கள்.

* முன்கூட்டியே திட்டமிடுங்கள். எதையும் கடைசி நேரம் வரைகாத்திருந்தபின் செய்வதைத் தவிருங்கள்.

* வேலைசெய்யாததைக் கட்டி அழாதீர்கள். சரிசெய்ய முயலுங்கள் காலணிஆனாலும் கடிகாரம் ஆனாலும். இல்லையேல் அவை தேவையற்ற மனஅழுத்தத்தைத் தரக் கூடும்.

* சற்று முன்கூட்டியே செல்ல பழக்கப் படுங்கள். பத்து நிமிடத்தில் செல்லமுடிந்த இடத்துக்கு இருபது நிமிடத்திற்கு முன்பாகவே புறப்படுங்கள்.

* காஃபி அதிகம் குடிப்பதைத் தவிருங்கள். புகை மது எல்லாம் வேண்டாம்

* சில மாற்று யோசனைகளைக் கைவசம் வைத்திருங்கள். உதாரணமாக பஸ்தாமதமானால் இதைச் செய்வேன்… என்பது போன்றவை.

* இறுக்கம் தளருங்கள். சில வேலைகள் தடைபடுவதாலோ, தாமதப்படுவதாலோ உலகம் முடிந்து விடப் போவதில்லை.

* தவறாய்ப் போன ஒரு விஷயத்தைக் குறித்து சிந்தித்துக் கொண்டேஇருப்பதை விட, சரியாய் நிகழ்ந்த பலவற்றைக் குறித்து அடிக்கடி நினைத்துமகிழுங்கள்.

* செல்லும் இடங்கள் புதிய இடங்களாக இருந்தால் வழியை முதலிலேயேதெளிவாகக் கேட்டு வைத்துக் கொள்ளுங்கள்.

* சற்று நேரம் கைப்பேசிகளையும், தொலைபேசிகளையும் அணைத்துவிடுங்கள். ஓய்வு எடுங்கள் எந்த தொந்தரவும் இன்றி.

* செய்வதற்கு இயலாத பணிகளோ, நேரமில்லாமையால் நாம் செய்யமுடியாது என்று நினைக்கும் பணிகளோ இருந்தால் ‘மன்னிக்கவும்.. என்னால்செய்ய இயலாது’ என்று சொல்லப் பழகுங்கள்.

* உணவு, உடை, உறைவிடம் தவிர்த்த எதுவும் உங்களை மன இறுக்கம்கொள்ளச் செய்யாமல் பார்த்துக் கொள்ளுங்கள். முன்னுரிமை எதற்குக்கொடுக்க வேண்டும் என்பதில் தெளிவு அவசியம்.

* எளிமையாக வாழுங்கள்.

* உற்சாகமான நண்பர்களுடன் பழகுங்கள் அதிக நேரம்.

* நன்றாகத் தூங்குங்கள். முடிந்தால் அலாரம் வைத்து தூங்குங்கள். தடையற்றதூக்கத்துக்கு அது உதவும்.

* வீட்டில் பொருட்களை அதனதன் இடத்தில் ஒழுங்காக அடுக்கி வையுங்கள். அவசரமாய் தேடுகையில் அகப்படாத பொருள் மன அழுத்தம் தரும்.

* ஆழமாக மூச்சை இழுத்து மெதுவாக வெளிவிடுங்கள்.

* எழுதப் பழகுங்கள். கவலைகளை, எரிச்சல்களை, தோல்விகளை குறைக்கஎழுத்து வடிகாலாகும்.

* குழப்பம், கவலைகளை உள்ளுக்குள் புதைக்காமல் நம்பிக்கைக்குரியநண்பர்களிடம் பகிருங்கள்.

* தினமும் உங்கள் மனதை மகிழச்செய்யும் செயல்கள் எதையேனும் ஒன்றைச்செய்யுங்கள். அதில் பொருளாதாரப் பயன் ஏதும் இல்லாவிட்டாலும் கூட.

* பிறருக்காக எதையேனும் செய்யப் பழகுங்கள். செய்யும் அனைத்துசெயல்களையும் ஆத்மார்த்தமான அன்போடு செய்யுங்கள்.

* என்னை யாரும் புரிந்துகொள்ளவில்லையே எனும் முனகல்களைத் தவிர்த்துபிறரைப் புரிந்து கொள்ள முயலுங்கள்.

* உங்கள் உடை, நடை பாவனைகளின் தன்னம்பிக்கை மிளிரட்டும். உடைகளை நன்றாக அணிவதே தன்னம்பிக்கையை அதிகரிக்கும் என்பதுநிரூபிக்கப்பட்ட உண்மை.

* நிறைய வேலைகளை ஒரே நாளில் முடிக்க நினைக்காதீர்கள். ஒவ்வொருவேலைக்கும் இடையே சரியான இடைவெளி விடுங்கள்.

* வார இறுதிகள், விடுமுறை நாட்களை மிகச் சிறப்பாகச் செலவிடுங்கள். வெளியே செல்வது, கடற்கரைக்குச் செல்வது என மனதைபுத்துணர்ச்சியாக்குங்கள்.

* இன்றைய பணிகளை செவ்வனே செய்தால் நாளைய பணிகள் செவ்வனேநடைபெறும் என்பதை மனதில் கொள்ளுங்கள்.

* பிடிக்காத வேலை இருந்தால் அதை முதலிலேயே முடித்து விடுங்கள். அப்போது தான் தொடர்ந்து செய்யும் பிடித்தமான வேலைகள் மனதைஇலகுவாக்கும்.

* மன்னிக்கும் மனப்பான்மையை வளர்த்துக் கொள்ளுங்கள், அடுத்தவர்களைக்காயப்படுத்தாமல் வாழப் பழகுங்கள்.

இவற்றில் சிலவற்றைப் பின்பற்றினாலே மன அழுத்தமற்ற வாழ்க்கை நமக்குவசப்படும்.

நுண்ணறிவு

2008-08-22T07:33:00.000-07:00

நுண்ணறிவு (Intelligence) என்பது, திட்டமிடுதல், பிரச்சினைகளுக்குத் தீர்வுகாணல், பண்பியல் பண்பியலாகச் சிந்தித்தல், எண்ணக்கருக்களையும் மொழியையும் விளங்கிக்கொள்ளல், கற்றல் போன்றவற்றுக்கான திறன்களை உள்ளடக்கிய மனம் சார்ந்த திறமைகளைத் தழுவி அமைந்த, மனத்தின் ஒரு இயல்பாகும். நுண்ணறிவு என்பது சில சமயங்களில், பரந்த பொருளில் நோக்கப்பட்டாலும், , இதனை, ஆக்கத்திறன், ஆளுமை, அறிவுநுட்பம் (wisdom), ஒருவரின் சிறப்புப் பண்புகள் என்பவற்றிலிருந்து வேறுபட்ட ஒன்றாகவே கருதுகிறார்கள்.

உணர்சிகள்

2008-08-22T07:24:00.000-07:00

அன்பு என்றாள் என்ன?

அன்பு என்பது ஒரு உணர்ச்சி உணர்ச்சி. அன்பு ஆங்கிலத்தில் love என்ற உணர்ச்சிக்கு இணையாக கருதினாலும், அன்பு என்ற சொல்லும் உணர்வும் எண்ணக்கருவும் தமிழுக்கு தனித்துவமானதெனலாம்.

அன்புக்கு ஆங்கிலத்தில் பல அர்த்தங்கள் உள்ளது. அன்பு என்றால் சிறு மகிழ்ச்சிமுதல்(நான் பாயாசம் விரும்பி உண்பேன்) உயிரை அர்ப்பனிப்பது வரை(தேசத்தின் மீதுள்ள் அன்பு,காதல் etc) பல நிலைகளில் அன்பு என்ற உணர்ச்சியை உணரலாம்.

அன்பு-ஓர் உணர்ச்சி பூர்வ்மான ஓர் நிலை.சாதாரண புழக்கத்தில் அன்பு உயிர்கள் ஒன்றுக்கொன்று செலுத்தும் பிரியத்தை குறிக்கும்.சமூகம் காரணமாய் அன்பு என்ற வார்த்தை கலைகளில் முக்கியமானது.

பல வகை காதல் உள்ளது போல்,பல வகை அன்பு உள்ளது.மனித வாழ்வில் அன்பு இயற்கையாய் அமையப்பெற்றது. சமூகம் முழுவதும் பரந்துள்ளதன் காரணமாய் அன்புக்கு விளக்கம் ஒரேமாதிரி அளிப்பது கடினம்.

இதயத்தை நேசிப்பது நேசிப்பது,. இயக்கத்தை நேசிப்பது, உடம்பை நேசிப்பது, இயற்கையை நேசிப்பது,உணவை நேசிப்பது, பணத்தை நேசிப்பது, படிப்பை நேசிப்பது, சக்தியை நேசிப்பது, புகழை நேசிப்பது,மற்றோர் மதிப்பை நேசிப்பது என பல வகையில் அன்பு வெளிப்படும்.

பல் வேறு சூழ்நிலைகளில் , பல் வேறு இடங்களில், பல் வேறு மக்களிடையே, பல் வேறு நிலைகளில் பல வீச்சுகளில்(degrees)அன்பை உணராலாம். அன்பு என்பது விளக்கம் அளிப்பதைவிட உணர்வது மிக எளிதானது.

இன்பம் என்றாள் என்ன?

இன்பம் வாழ்வின் முதன்மைக் குறிக்கோள்களில் ஒன்று. வாழ்வில் இன்பத்திற்கு புறம் (இன்னமும் எழுதப்படவில்லை)" புறக் காரணிகள் முக்கிய கூறுகளாக அமைந்தாலும், இன்பம் முதன்மையாக ஒர் அகம் அக உறுதிப் பொருள் உறுதிப் பொருளே. இன்பம் உன்னத மகிழ்ச்சி மனநிறைவு கொண்ட ஒர் உணர்ச்சி . இன்பம் என்பதை இறுதியாக வரையறை செய்வது கடினம் எனினும் இன்பத்தைக் கண்டுணரலாம்.

மழலையின் பேச்சில், இசையின் இனிமையில், காற்றின் வருடலில், மழையில் நனைதலில், இயற்கையில், நட்பில், காதலில், உழைப்பில் என வாழ்வின் பல தடங்களில் இன்பத்தை மனிதர் உணரலாம். சிறப்பாக "இன்பம் என்கிறபொழுது ஒருவனும் ஒருத்தியுமாக கலந்து பெறும் புலனின்பமே
"பொருளதிகாரத்தில் அகத்திணையியல், களவியல், கற்பியல் என்பன முழுமையாக இன்பப் பொருண்மையினைப் பேசுவன. பொருளியல், மெய்ப்பாட்டியல் 95 விழுக்காட்டிற்குமேல் இன்பம் சார்ந்த பாவியல் மரபுகளைப் பற்றியன. மேலும் எல்லா உயிர்க்கும் இன்பம் என்பது, தானமர்ந்து வரூஉம் மேவற்றாகும் என்று தொல்ல்காப்பியர் இன்பதற்கு ஏற்றம் கொடுத்து ஓதியிருத்தல் எண்ணத்தக்கது" என்று சுட்டி காட்டுகிறார் தமிழர் மெய்யியல்" தமிழர் மெய்யியலில், தமிழ் இலக்கியம்" இலக்கியத்தில் அன்பு , அறம் அறம், பொருள் , இன்பம், வீடு என்ற வாழ்வின் நோக்கங்களில் இன்பம் என்பது இவ்வாறு முதன்மை பெறுவது சுட்டுதற்குரியது.

உணர்சிகள் என்றாள் என்ன?

மனிதர் உணரும் சிந்தனை அல்லது மன அல்லது உடல் நிலைகளை உணர்ச்சி (Emotion) எனலாம். உணர்ச்சி என்றால் என்ன என்பதை நோக்கிய எல்லோராலும் ஏற்றுக்கொள்ளப்பட்ட பொது வரைவிலக்கணம் இன்னும் இல்லை.

உணர்ச்சிகள் வகைகள்

அன்பு -love
கோபம் - Anger
ஆனந்தம் - Joy
இன்பம் மகிழ்ச்சி -Happiness
ஆசை - Want
பொறாமை - Jealousy, Envy
வெறுப்பு - Hate, Disgust
விரக்தி - Anguish
அமைதி - Peace
பயம் - Fear
கவலை - Sadness
எதிபார்ப்பு - Anticipation, Hope,
ஆச்சரியம் - Suprise
வெக்கம் - Shyness
இரக்கம் - Pity
பாசம் - Attachment
காதல் - Sexual Attraction
அரிப்பு - Irritation
சலிப்பு - Boredom
குற்றுணர்வு - Guilt
மனவுளைச்சல் - Stress

மனவுளைச்சல் என்றாள் என்ன?

மனக்கட்டுப்பாடின்றிக் காட்டாறு போலச் செல்லும். உடல் சோர்வடையும், கண்களில் கோபம் தெரியும், யாருடனும் பேசப் பிடிக்காது, தனிமையில் விருப்பம் வரும். மனவுளைச்சல் ஒரு கொடிய நோய் போன்றது.

உளவியல் என்பது?

2008-08-22T07:19:00.000-07:00

உளவியல் மனிதனை பற்றி அவன் சிந்தனைகள் , செயல்பாடுகள் பற்றி ஆராய்கிறது . உளவியல் (Psychology) சமூக அறிவியல்" துறைகளுள் ஒன்றாகும். உளவியற் செயற்பாடுகள், நடத்தை ஆகியவை பற்றிய அறிவியற் கல்வியான இது நடத்தை அறிவியல்களுள்ளும் அடங்குகின்றது.